ءماجىلىس دەپۋتاتى سۆەتلانا بىچكوۆانىڭ ايتۋىنشا، قۇجات بىلىكتى زاڭ كومەگىن الۋ قۇقىعىن رەتتەپ، ادۆوكاتۋرا مەن زاڭ كونسۋلتانتتارى ينستيتۋتىن ودان ارى دامىتۋعا، ولاردىڭ قىزمەتىن اۆتوماتتاندىرىپ، وڭتايلاندىرۋعا باعىتتالعان.
«زاڭ جوباسى قولدانىستاعى زاڭناما مەن قۇقىق قولدانۋ پراكتيكاسىنىڭ مونيتورينگى، سونداي- اق دەپۋتاتتاردىڭ ادۆوكاتتارمەن، زاڭگەرلەرمەن، سۋديالارمەن جانە قۇقىق قورعاۋ ورگاندارىنىڭ وكىلدەرىمەن كەزدەسۋلەر كەزىندە كەلىپ تۇسكەن ۇسىنىستارى نەگىزىندە ازىرلەنگەن. زاڭ جوباسىنا سايكەس، قىلمىستىق، ازاماتتىق جانە اكىمشىلىك قۇقىق بۇزۋشىلىق تۋرالى ىستەر بويىنشا مەملەكەت كەپىلدىك بەرگەن زاڭ كومەگىن كورسەتۋ شەڭبەرىندە ادۆوكاتتاردى تاعايىنداۋ ءتارتىبىن اۆتوماتتاندىرۋ ۇسىنىلىپ وتىر»،-دەدى ول.
بۇل رەتتە قورعالۋشىلاردىڭ كونستيتۋتسيالىق قۇقىعى بۇزىلماۋى ءۇشىن اۆتوماتتاندىرۋمەن قاتار ادۆوكاتتاردى تاعايىنداۋدىڭ قولدانىستاعى ءتارتىبى ساقتالادى. سونىمەن قاتار، ادۆوكاتتاردىڭ تىكەلەي ءبىرىڭعاي اقپاراتتىق نوتارياتتىق جۇيەدەن، سايكەستەندىرۋ نومىرلەرىنىڭ ۇلتتىق تىزىلىمىنەن تەك ناقتى ءبىر ءىس اياسىندا ەلەكتروندىق، سونداي- اق قاعاز جەتكىزگىشتەردە اقپارات الۋى بولىگىندەگى نورمالاردى بەكىتۋ ۇسىنىلعان. ادۆوكاتتىق قوعامداستىق ءۇشىن وزەكتى ماسەلەلەر بويىنشا جەدەل شەشىم قابىلداۋ ماقساتىندا ءبىرقاتار جەرگىلىكتى اكتىلەردى قابىلداۋ بولىگىندە رەسپۋبليكالىق كونفەرەنتسيانىڭ ەرەكشە قۇزىرەتىن قىسقارتۋ ەسەبىنەن رەسپۋبليكالىق ادۆوكاتتار القاسى ءتورالقاسىنىڭ وكىلەتتىگى كەڭەيتىلەدى. زاڭ جوباسىن دەپۋتاتتار ءبىرىنشى وقىلىمدا ماقۇلدادى.