ق ر سىرتقى ىستەر مينيسترلىگىنەن ءمالىم ەتكەندەي، كوميسسيا وزبەكستان رەسپۋبليكاسىنداعى قاراقالپاقستانمەن شەكتەس قازاقستان رەسپۋبليكاسىنىڭ ماڭعىستاۋ وبلىسى شەگىندەگى ۋچاسكەگە مەملەكەتتىك شەكارانى دەماركاتسيالاۋدىڭ قورىتىندى قۇجاتتارىنىڭ جوبالارىن دايىنداۋدى جالعاستىردى.
كوميسسيا مۇشەلەرى 2020 -جىلعى مامىردا ساردوبا سۋ قويماسى بوگەتىنىڭ بۇزىلۋى سەبەبىنەن بۇلىنگەن شەكارالىق باعانالاردى قالپىنا كەلتىرۋ ماقساتىندا وزبەكستاننىڭ سىرداريا جانە جيزاق وبلىستارىمەن شەكتەس قازاقستان رەسپۋبليكاسىنىڭ تۇركىستان وبلىسى شەگىندەگى مەملەكەتتىك شەكارانىڭ جەكەلەگەن ۋچاسكەلەرىنە دالالىق زەرتتەۋ جۇرگىزدى.
«كەلىسسوزدەر دوستىق جانە سىندارلى جاعدايىندا ءوتتى. كەلەسى وتىرىس قازاقستان رەسپۋبليكاسىندا 2020 -جىلدىڭ جەلتوقسان ايىندا جوسپارلانعان»، - دەلىنگەن س ءى م اقپاراتىندا.
ەسكە سالا كەتەيىك، 2 - مامىردا وزبەكستاندا ساردوبا سۋ قويماسىنىڭ بوگەتى جارىلىپ، ءبىر كۇننىڭ ىشىندە قازاقستاننىڭ تۇركىستان وبلىسىندا 4 اۋىلدى سۋ باستى، 620 ءۇي ءبۇلىندى. ماقتارال اۋدانىندا 2 - مامىردا توتەنشە جاعداي جاريالاندى.