بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە سانيتارلىق- ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا ايتتى، دەپ حابارلايدى قازاقپارات ءتىلشىسى.
«ءبىرىنشى توقساندا ش ق و، س ق و- داعى مەكتەپتەر كارانتينگە جابىلدى. كەشە نۇر-سۇلتاندا تاعى ءبىر مەكتەپ كارانتينگە جابىلدى. كەشە عانا، ياعني ەكىنشى توقساننىڭ العاشقى كۇنى ونلاين جانە وفلاين وقىپ جۇرگەن بالالار اراسىندا كوروناۆيرۋس جۇقتىرعان 55 جاعداي انىقتالدى»، - دەدى سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا.
ونىڭ ايتۋىنشا، كوروناۆيرۋسپەن اۋىرعان 55 بالانىڭ 14 ى - مەكتەپكە بارىپ وقىسا، 41 ى ونلاين وقىعان وقۋشى.
«كوروناۆيرۋسپەن اۋىرعان بالالار كۇن سايىن تىركەلىپ وتىر. ولاردى مونيتورينگتەن وتكىزىپ وتىرمىز. ەپيدەميولوگيالىق جاعدايعا قارسى شارالار ەپيدەميولوگيالىق تەرگەۋ جۇرگىزۋ ارقىلى ىسكە اسۋدا. سونداي-اق، كوروناۆيرۋسپەن اۋىرعان بالا وقىعان سىنىپتى نەمەسە مەكتەپتى جابۋ تۋرالى شەشىم قابىلدانىپ جاتىر»، - دەيدى ول. كارانتينگە جابىلۋ ۋاقىتى اۋرۋ جۇقتىرۋ تىركەلمەگەن جاعدايدا - 14 كۇن.