جەرگىلىكتى تاۋلاردا سۇلۋ كولدەر بار. Kaz.tengritravel.kz پورتالى Aviata.kz سەرۆيسىمەن بىرگە وسى ۇلتتىق ساياباقتىڭ نەسىمەن ەرەكشەلەنەتىنى تۋرالى اڭگىمەلەيدى.
ونىڭ كەڭ اۋماعىندا بيىكتىگى 1000 مەتردەن اساتىن بىرنەشە تاۋ شىڭدارى بار، ساياباقتا تۋريستەرگە ارنالعان التى باعىت بويىنشا جۇرەدى، ونىڭ ىشىنە جاياۋ سەرۋەندەۋ، ۆەلوسيپەدپەن ءجۇرۋ جانە اتپەن سەرۋەندەۋ قاراستىرىلعان.
بۇرىندارى بۇل القاپتا بۇدان دا اسقاق تاۋلار بولعان ەدى، ولار ۋاقىت وتە كەلە ۇساق شوقىلار مەن جوتالارعا ءبولىنىپ ءمۇجىلدى. بەتكەيلەر ەروزيادان قاتتى زاقىمداندى. ناتيجەسىندە جەرگىلىكتى جىنىستار كوپ قاباتتاردان تۇراتىن جامىلعىلارعا ۇقسايدى جانە باسقا دا پىشىندەردى بەينەلەيدى.
تاۋ شاتقالدارىنان تومەن قاراي بۇلاقتار اعىپ جاتىر، ولاردىڭ ىشىندەگى ەڭ ىرىلەرى قارقارالى (سالالارى تۇلكىلى، تاسبۇلاق) ، جارىم، كەڭدارا، قوپا جانە كەرالى. ۇلتتىق ساياباق شايتانكول، كەڭدارا، باسسەين، ۇلكەنكول جانە پاشەننوە سياقتى اسەم كولدەرمەن قورشالعان، سونىمەن قاتار كىشىگىرىم سۋ قويمالارى، سونداي- اق گرانيت تاستارىنداعى جاڭبىر سۋىمەن تولتىرىلعان ەرەكشە توستاعاندى سۋ قويمالارى بار.
ساياحاتشىلاردىڭ كوپشىلىگى ايماقتىڭ ەكى كورىكتى جەرىن كورۋ ءۇشىن كەلەدى ەكەن. قارقارالىنىڭ باستى كورىكتى جەرى - شايتانكول نەمەسە ءىبىلىس كولى دەپ اتالعان دالادا ورنالاسقانىنا قاراماستان تاۋ سۋ قويماسى بولىپ سانالاتىن كول. بۇل كول جايلى نەبىر جۇمباق اڭىزدار بار. اڭىز بويىنشا، بۇل كولدە تۇندە شايتاندار بيلەپ جۇرەدى ەكەن، ءتىپتى اۋليە قاريالاردىڭ دا ولارعا شاماسى جەتپەيدى ەكەن.
سونىمەن قاتار، جەرگىلىكتى اڭىز بويىنشا، مۇندا تۇندە جاعاعا سۋ پەرىلەرى دە شىعىپ وتىرادى ەكەن، ولاردى كورىپ قالعان ادامدار وڭبايدى دەسەدى. كەيبىر جولاۋشىلاردى بۇل جەر قاتتى قورقىنىشقا بولەيدى ەكەن. كولدىڭ تاعى ءبىر ەرەكشەلىگى - كولگە كەلگەن تۋريستەر قايتار جولدان جاڭىلىسىپ، اداسىپ قالادى ەكەن.
كول جايلى تاعى ءبىر ادەمى اڭىز بار. ول - سۇلۋشاش اتتى ارۋ مەن ونىڭ ماحابباتى تۋرالى. ەرتە زاماندا وسى ايماقتا سۇلۋشاش اتتى ارۋ ءومىر ءسۇرىپتى. ونىڭ اكەسى باي، باقۋاتتى ادام بولىپتى. ولاردىڭ ءۇي شارۋاسىنا ءبىر كەدەي وتباسى قىزمەت ەتەدى ەكەن، ولاردىڭ التاي اتتى ۇلى بولىپتى. جىگىت ەسەيە كەلە، سۇلۋشاشقا عاشىق بولعان ەكەن، ءبىراق قىزدىڭ اكەسى كەدەي جىگىتكە قىزىن بەرگىسى كەلمەيدى. سوندا التاي قايسار اتتى دوسىمەن قىزدى الىپ قاشپاقشى بولادى.
تۇندەلەتىپ ۇشەۋى جولعا شىعادى، اڭساعان ارماندارىنا قول جەتكىزەر جولدا كەنەتتەن ارىستاننىڭ اقىرعانىن ەستىپ قالادى. ارىستاننان قاتتى قورىققان قىز حايۋاننان جاسىرىنام دەپ جارتاستان سۋعا سەكىرىپ كەتەدى، ارتىنان التاي دا سۋعا سەكىرەدى، عاشىقتار جاعاعا جەتە الماي، سۋعا باتىپ قايتىس بولادى. قايسار اتتى دوسى ەكەۋىن قۇتقارماق نيەتپەن شايتانكولگە سەكىرىپ، سۋعا باتىپ ولەدى.
سودان بەرى، اڭىزدا ايتىلعانداي، كولدى ءۇش بەيكۇنا جان كەزىپ جۇرەدى، ولار كەيدە قورقىنىشتى دا، قايعىلى بي ورىنداۋ ءۇشىن دە شىعادى ەكەن.
ايماقتىڭ تاعى ءبىر كورىكتى جەرى - بۇل كول- باسسەين. تابيعاتتىڭ بۇل ەرەكشە تۋىندىسى بيىك تاۋلاردا ورنالاسقان جانە ءمولدىر سۋعا تولعان باسسەينگە ۇقسايدى. سۋ قويماسى جارتاستىڭ بيىگىندە ورنالاسقان، ول جەردەن وسى القاپقا تاماشا كورىنىس اشىلادى.
كولدىڭ جاعاسى تىك جانە جازىق تاستى تاۋلاردان تۇرادى، ولار قولمەن كەسكەندەي وتە تەگىس، جىلتىر كورىنەدى. ءبىراق توستاعاننىڭ ءوزى تابيعي، ول تەڭىز دەڭگەيىنەن 1200 مەتر بيىكتىكتە، تاۋلاردا ورنالاسقان. باسسەيننىڭ ۇزىندىعى 60 مەتر، ەنى 40 مەتر، ال ورتاشا تەرەڭدىگى ەكى مەتر. ونىڭ ەرەكشەلىگى سۋ قويماسىنا بىردە- ءبىر وزەن نەمەسە بىردە- ءبىر اعىن سۋ قۇيىلمايدى، سۋ ەشقايدا اعىپ كەتپەيدى جانە بۋلانبايدى. بۇل جەردە سۋ دەڭگەيى 365 كۇن بويى وزگەرمەيدى.
جاياۋ سەرۋەندەۋ جولدارىمەن جۇرگەندە مارال، بيزون، بۇلان نەمەسە ارقاردى كورۋگە بولادى، سونداي- اق، قاسقىر، تۇلكى، اقسۋىر، سىلەۋسىن جانە سابانشى دا بار.
سابانشى - بارلىق جابايى مىسىقتاردىڭ ىشىندەگى ەڭ اقىرىن جانە باياۋ قوزعالاتىنى، ول جالعىز ءومىر ءسۇرۋدى جانە اڭ اۋلاۋدى جاقسى كورەدى. تابيعاتتا مىسىقتار وتباسىنىڭ بۇل وكىلى 10 - 12 جىل عانا ءومىر سۇرەدى. ۇلتتىق پاركتىڭ قالىڭ بۇتالارىندا بۇل قورقىنىشتى جانۋاردى بايقايتىندار از، ويتكەنى سابانشى مىسىقتارى وتە ەپتى جانە ۇركەك بولىپ كەلەدى. ولار قورعالاتىن اڭدار قاتارىندا، قازاقستاننىڭ قىزىل كىتابىنا ەنگىزىلگەن.
قالاي جەتۋگە بولادى
الماتىدان قارقارالىعا پويىز كۇن سايىن الماتى - قاراعاندى باعىتىندا جۇرەدى. شاتل- اۆتوبۋستار نەمەسە تاكسيلەر قاراعاندىدان ساياباق باعىتىندا جۇرەدى
قارقارالىعا نۇر-سۇلتاننان قاراعاندىعا دەيىن پويىزبەن جەتۋگە بولادى.
كوروناۆيرۋس پاندەمياسى جاقىن ارادا اياقتالىپ، شەكارالار قايتادان اشىلادى دەپ ۇمىتتەنەمىز.
Aviata.kz - ۇيىڭىزدەن نەمەسە كەڭسەڭىزدەن شىقپاي-اق، الەمنىڭ كەز كەلگەن نۇكتەسىنە تەمىرجول جانە اۋە بيلەتتەرىن كەز كەلگەن باعىتتا ونلاين رەجيمىندە تابۋعا، برونداۋعا جانە ساتىپ الۋعا مۇمكىندىك بەرەتىن سەرۆيس.
Aviata قوسىمشاسىن مىنا سىلتەمە بويىنشا ورناتۋعا بولادى.
سۋرەتتەر paleokazakhstan.info سايتىنان