سوڭعى كۇندەرى الەۋمەتتىك جەلى قولدانۋشىلارى وسكەمەنگە كىرەبەرىستە شاھار اتاۋى جازىلعان تۇعىرداعى قاتەنى سىنعا الدى. فوتوسۋرەتتەن كورىنەتىندەي، وسكەمەن اتاۋىنان «s» ءارپى ءتۇسىپ قالىپ Ókemen (وكەمەن) دەپ جازىلىپ قالعان. قالا اكىمىنىڭ كەڭەسشىسى الىبەك تۇرسىمبەتوۆتىڭ ايتۋىنشا، بۇل ورفوگرافيالىق قاتە ەمەس.
«اتالعان تۇعىرداعى مونتاجداۋ جۇمىستارى تولىقتاي اياقتالماعان. وسىعان بايلانىستى «س» ءارپى ءتۇسىپ قالىپتى. ءار ءارىپ بولەك-بولەك ورناتىلعان بولاتىن. قازىرگى ۋاقىتتا تۇعىرداعى جازۋ تۇزەتىلگەن»، - دەدى ول.
اۆتور: تالعاتجان مۇحامەتبەك ۇلى