قازاقستان فۋتبولشىسىنىڭ سوققان دوبى جىلدىڭ ۇزدىك گولى اتالىمىنا ۇسىنىلدى
10:42, 17 - قاراشا 2020
نۇر-سۇلتان. قازاقپارات - بريتانيانىڭ SPORTbible سپورتتىق باسىلىمى قازاقستان قۇراماسىنىڭ جارتىلاي قورعاۋشىسى ايبول ابىكەننىڭ الاڭنىڭ ورتاسىنان سوققان گولىن نازاردان تىس قالدىرمادى.
بۇل تۋرالى قازاقپارات ۆەستي. ك ز سايتىنا سىلتەمە جاساپ حابارلايدى.
گول ۇلتتار ليگاسى ماتچىندا البانيامەن ويىن كەزىندە سالىندى.
«توقتا، سەن نە ىستەپ جىبەردىڭ؟ الاڭنىڭ ءدال ورتاسىنان سوعىلعان گول. قازاقستاندىق ايبول ابىكەن جىلدىڭ ۇزدىك گولدارىنىڭ ءبىرىن كىرگىزىپ، قاقپاشىنى قاپى قالدىردى. بۇل مۇمكىن ەمەس»، - دەلىنگەن باسىلىمنىڭ تۆيتتەرىندە.
ەسكە سالا كەتسەك، ابىكەننىڭ كىرگىزگەن دوبى قۇرامانى جەڭىلىستەن قۇتقارمادى: قازاقستان بۇل ويىندا 1:3 ەسەبىمەن ۇتىلدى.