بۇل تۋرالى ب ۇ ۇ دامۋ باعدارلاماسىنىڭ تۇراقتى دامۋ بويىنشا باسشىسى ارمان قاشقىنبەكوۆ ءمالىم ەتتى، دەپ حابارلايدى قازاقپارات ءتىلشىسى.
«ب ۇ ۇ دامۋ باعدارلاماسى ق ر ەكولوگيا، گەولوگيا جانە تابيعي رەسۋرستار مينيسترلىگى، WWF (بۇكىل الەمدىك جابايى تابيعات قورى)، رەسەي فەدەراتسياسىنىڭ ۇكىمەتى جانە Qazaq Geography ۇيىمىمەن بىرلەسىپ 2021-جىلدان باستاپ قازاقستاندا تۇران جولبارىسىن قايتا تۇلەتۋ ماقساتىندا كەڭ اۋقىمدى جوبانى جۇزەگە اسىرۋعا كىرىسەدى. كەزىندە تۇران جولبارىسى ىلە-بالقاش رەزەرۆاتىندا مەكەندەگەن. قولدا بار اقپاراتتارعا سايكەس سوڭعى جولبارىستى 1948-جىلى بروكونەرلەر اتقان. وسىلايشا وكىنىشكە قاراي ءبىزدىڭ ەلدەن تۇران جولبارىسى تولىعىمەن جويىلدى»، - دەدى ا. قاشقىنبەكوۆ.
ونىڭ ايتۋىنشا، تۇران جولبارىسى بارلىق ورتالىق ازيا ەلدەرى اۋماعىندا مەكەندەيدى.
«قازىرگى تاڭدا ۇلتتىق ماقتانىشىمىز ءىلبىس (قار بارىسى) بولسا، ەندى 5 جىلدان كەيىن ەلىمىزدەگى العاشقى تۇران جولبارىستارىمەن ماقتاناتىن بولامىز. العاشقى تۇران جولبارىستارىن رەسەيدىڭ پريامۋرە اۋماعىنان 5 جىلدان كەيىن، مۇمكىن ودان دا بۇرىن اكەلەتىن بولامىز. كەيبىر گەنەتيكالىق زەرتتەۋگە سايكەس، امۋر جولبارىستارى تۇران جولبارىستىرانىڭ الىس تۋىسى بولىپ كەلەدى»، - دەيدى ول.
ا. قاشقىنبەكوۆتىڭ مالىمدەۋىنشە، تۇران جولبارىستارىن قايتا جاڭعىرتۋ جوباسى وسىدان 3-4 جىل بۇرىن سانكت-پەتەربۋرگتە وتكەن ەكونوميكالىق فورۋمدا تانىستىرىلىپ، ىزىنشە رەسەي ۇكىمەتى جوبانى بەكىتتى.
«العاشقى ۋاقىتتا جوبانى ىسكە اسىرۋ جۇمىستارى جۇرمەدى. ەندىگى ۋاقىتتا قۇزىرلى مەملەكەتتىك ورگانداردىڭ قولداۋىمەن قايتا قولعا الىنۋدا. اتالعان جوبانى قارجىلاندىرۋ ب ۇ ۇ دامۋ باعدارلاماسى، WWF (بۇكىل الەمدىك جابايى تابيعات قورى) جانە ق ر ۇكىمەتىنىڭ ەسەبىنەن جۇزەگە اسىرىلادى.
الدىمەن جولبارىس مەكەندەيتىن اۋماق پەن ولاردىڭ ازىق بازاسى دايىندالادى. 4-5 جىلدان كەيىن العاشقى 12-13 تۇران جولبارىسى اكەلىنىپ، ولاردىڭ بەيىمدەلۋى قاداعالانادى. سودان سوڭ عانا ەركىندىككە جىبەرىلەدى. 2050-جىلعا قاراي ەلىمىزدەگى تۇران جولبارىسىنىڭ سانى 100 دەن اسادى دەپ بولجانىپ وتىر»، - دەدى ول.
ب ۇ ۇ دامۋ باعدارلاماسى وكىلىنىڭ مالىمدەۋىنشە، جوبا جويىلعان اڭدى ەل اۋماعىنا قايتارۋمەن قوسا، ۇلتتىق قۇندىلىعىمەن ەرەكشەلەنەدى.
«مەنىڭ Facebook-تەگى تۇران جولبارىسى تۋرالى جازبامنان سوڭ كوپتەگەن كاسىپكەرلەر، ۇكىمەتتىك ەمەس ۇيىم وكىلدەرى جانە ەكولوگيالىق بەلسەندىلەر كومەكتەسۋگە دايىن ەكەندىگىن جەتكىزدى. بۇل قۋانارلىق جاعداي. بۇگىندە ەلىمىز ءۇشىن ماڭىزدى بولىپ تابىلاتىن جوبانى جۇزەگە اسىراتىن كوماندا جيناقتالدى»، - دەدى ارمان قاشقىنبەكوۆ.
ەسكە سالا كەتسەك، بۇعان دەيىن ق ر ەكولوگيا، گەولوگيا جانە تابيعي رەسۋرستار مينيسترلىگى ىلە وزەنىنىڭ ساعاسىنداعى بالقاش كولىنىڭ وڭتۇستىك جاعالاۋى جانە وسىدان شىعىسقا قارايعى جەر تۇران جولبارىسى جەرسىندىرىلەتىن اۋماق رەتىندە تاڭدالعانى تۋرالى حابارلادى.