ش ق و تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، التاي اۋداندىق باس سانيتارلىق دارىگەرى مىندەتىن اتقارۋشىنىڭ قاۋلىسى 15-قاراشا كۇنى كۇشىنە ەنگەن. قۇجاتتا التاي قالاسىنان شىعۋعا جانە كىرۋگە تىيىم سالىنعانى جانە سانيتارلىق پوستتاردىڭ جۇمىسىن قامتاماسىز ەتۋ تۋرالى جازىلدى.
«كەلەسى نىسانداردىڭ جۇمىسىنا تىيىم سالۋ ەنگىزىلسىن: كينوتەاترلار، مونشالار، ساۋنالار، باسسەيندەر، تەاترلار، مادەني نىساندار، كىتاپحانالار مەن مۋزەيلەر»، - دەلىنگەن قاۋلىدا.
سونىمەن قاتار قۇجاتتا مەكتەپكە دەيىنگى مەكەمەلەردە جانە 1-4-سىنىپتاردا اتا- انالاردىڭ رۇقساتىمەن 15 بالادان اسپايتىن كەزەكشى سىنىپتاردى قۇرۋ قاجەتتىگى ايتىلعان.
ەستەرىڭىزگە سالا كەتسەك، شىعىس قازاقستان وبلىسى كوروناۆيرۋستىڭ تارالۋ قارقىنى بويىنشا «قىزىل ايماققا» ەندى. سونداي-اق وڭىردە شەكتەۋ شارالارى 25-قاراشاعا دەيىن ۇزارتىلدى. 15-قاراشا كۇنى ىندەت تاعى 197 ادامنان انىقتالدى.
جالپى، وسى ۋاقىتقا دەيىن كوروناۆيرۋسقا شالدىققان 13705 ادام تىركەلدى. جازىلىپ شىقتى - 9516، قايتىس بولدى - 259 ناۋقاس.