«العاشقى مەديتسينالىق-سانيتاريالىق كومەك كورسەتۋ قاعيدالارىن» ماقۇلدادى. دۇنيەجۇزىلىك دەنساۋلىق ساقتاۋ اسسامبلەياسىنىڭ 73-سەسسياسىندا «العاشقى مەديتسينالىق-سانيتارلىق كومەكتىڭ جۇمىس ىستەۋ مەحانيزمى» قۇجاتى قابىلداندى، ونى 194 مەملەكەت قولدادى. ول د د س ۇ- نىڭ م س ا ك جونىندەگى ەۋروپالىق بيۋروسىنىڭ شتاب-پاتەرىندە قازاقستاندىق تاراپتىڭ قاتىسۋىمەن بىرلەسە ازىرلەنگەن.
د د س ۇ وكىلدەرى اتاپ وتكەندەي، قازاقستان كەزەكتى رەت العاشقى مەديتسينالىق-سانيتارلىق كومەك كورسەتۋدى وڭتايلاندىرۋ باعىتىندا الەم ەلدەرى الدىندا كوش باستادى. العاشقى مەديتسينالىق-سانيتارلىق كومەكتىڭ تۇپكى ماقساتى - ازاماتتاردىڭ دەنساۋلىعىن جاقسارتۋ جانە دەنساۋلىق ساقتاۋ جۇيەسىن نىعايتۋ. قازىر كوروناۆيرۋس پاندەمياسى الەمدى شارپىعان كەزدە بۇل وتە ماڭىزدى. د د س ۇ قازاقستانمەن بىرگە وسى ماقساتقا جەتۋدىڭ بەس تەتىگىن انىقتادى.
ول: - دەنساۋلىق ساقتاۋ سالاسىنداعى وقشاۋلاۋ مەن الەۋمەتتىك تەڭسىزدىكتى ازايتۋ (جالپىعا بىردەي قامتۋعا قول جەتكىزۋ رەفورمالارى)؛
- ادامداردىڭ قاجەتتىلىكتەرىنە باعدارلانعان دەنساۋلىق ساقتاۋ قىزمەتتەرىن ۇيىمداستىرۋ (قىزمەتتەردى جەتكىزۋ سالاسىنداعى رەفورمالار)؛
- دەنساۋلىق اسپەكتىلەرىن بارلىق سەكتورلارعا بىرىكتىرۋ (قوعامدىق ساياسات رەفورمالارى)؛
- ىنتىماقتاستىق مودەلدەرىنە سايكەس ساياسي ديالوگ جۇرگىزۋ (كوشباسشىلىق قىزمەتتەگى رەفورمالار)؛
- مۇددەلى تاراپتاردىڭ قاتىسۋىن كەڭەيتۋ. مينيسترلىك تاراتقان اقپاراتقا قاراعاندا، 2018-جىلدان باستاپ م س ا ك تۋرالى استانا دەكلاراتسياسى الەم ەلدەرىنىڭ وسىدان قىرىق جىل بۇرىن قابىلدانعان م س ا ك جونىندەگى تاريحي الماتى دەكلاراتسياسىنىڭ پرينتسيپتەرىن باسشىلىققا الىپ كەلگەنىن تاعى ءبىر دالەلدەدى.
سونىمەن بىرگە، ەلدەردىڭ قازىرگى پروبلەمالاردى شەشۋدەگى بىرلەسكەن كۇش-جىگەرىن ۇيلەستىرۋدە جانە ۇلتتىق دەنساۋلىق ساقتاۋ جۇيەسىن نىعايتۋ بويىنشا العاشقى مەديتسينالىق-سانيتارلىق كومەك وپەراتسيالارىنىڭ نەگىزدەرى سياقتى تەحنيكالىق نۇسقاۋلىقتاردى ازىرلەۋدە د د س ۇ جاھاندىق ساياساتتى ءجىتى باقىلاپ كەلەدى.
ق ر دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ ءوز بايانداماسىندا د د س ۇ- عا مۇشە مەملەكەتتەردى اعىمداعى جىلدىڭ قاراشا ايىنىڭ سوڭىندا العاشقى مەديتسينالىق-سانيتارلىق كومەك كورسەتۋدىڭ جەدەل مەحانيزمىن ىسكە اسىرۋعا ارنالعان ءىس-شاراعا قاتىسۋعا شاقىردى.
شاراعا قاتىسۋ دەنساۋلىق ساقتاۋ جۇيەسىن نىعايتۋ قۇرالدارىن ەنگىزۋگە كومەكتەسەدى. سونداي-اق، ول مەملەكەتتەر اراسىندا م س ا ك بويىنشا كۇش-جىگەردى بىرىكتىرۋ جانە ودان ءارى نىعايتۋ ءۇشىن ارنايى قۇرىلعان توپقا قوسىلۋعا ۇسىنىس ءبىلدىردى.
ەلدەردىڭ 2030-جىلعا دەيىنگى تۇراقتى دامۋ ماقساتتارىندا ايتىلعان «دەنساۋلىقتى ساقتاۋدى قامتاماسىز ەتۋ، ەشكىمدى نازاردان تىس قالدىرماۋ» پرينتسيپى كوروناۆيرۋس پاندەمياسى كەزىندە ەرەكشە وزەكتى بولىپ تابىلادى.
ءدال وسى م س ا ك دەنساۋلىق ساقتاۋ جۇيەسىندەگى باستى پروتسەسس بولىپ تابىلادى. ول ءوزىنىڭ قولجەتىمدىلىگى مەن ۇزدىكسىز، جوعارى ساپالى مەديتسينالىق كومەك كورسەتۋمەن، پاتسيەنت پەن مەديتسينالىق قىزمەتكەر اراسىنداعى العاشقى بايلانىس ورىندارىندا كورسەتىلۋىمەن جانە بارلىق جاستاعى ناۋقاستاردىڭ قاجەتتىلىگىنە باعىتتالۋىمەن ماڭىزدى.
دۇنيەجۇزىلىك دەنساۋلىق ساقتاۋ اسسامبلەياسىنىڭ COVID-19 پاندەمياسىنا بايلانىستى العاش رەت ۆيرتۋالدى فورماتتا شاقىرىلعان 73- سەسسياسى 2020-جىلدىڭ 18-19- مامىرىندا قىسقارتىلعان رەجيمدە ءوتتى.
ونىڭ جۇمىسى 2010-جىلدىڭ 9- قاراشاسىندا باستالىپ، 14- قاراشادا اياقتالادى.