ۇلتتار ليگاسى: قازاقستان البانياعا ەسە جىبەردى
ەستەرىڭىزگە سالا كەتەلىك، ەكى قۇراما س ليگاسى ءتورتىنشى توبىندا سىنعا تۇسەدى. ولاردان وزگە بەلارۋس جانە ليتۆا قۇرامالارى بار.
بۇگىنگى كەزدەسۋدە البانيالىق فۋتبولشىلار وزدەرىنە سەنىمدى ويىن كورسەتتى. ناتيجەسىندە 16-مينۋتتا سوكول چيكاپەشي ەسەپ اشتى. ال 23-مينۋتتا ارديان يسمايلي ەسەپتى ۇستەمەلەي ءتۇستى.
بۇدان كەيىن قىزىق جاعداي ورىن الدى. ويىندى الاڭ ورتاسىنان باستاعان ايبول ابىكەن دوپتى قارسىلاستار قاقپاسىنا اۋەلەتە تەپتى. وعان البانيالىق قاقپاشى ەتريت بەريشا قاۋقار كورسەتە العان جوق.
ەكىنشى كەزەڭدە قازاقستاندىق فۋتبولشىلار تارازى باسىن تەڭەستىرۋگە ۇمتىلدى. دەگەنمەن ءوز ايىپ الاڭىندا ەرەجە بۇزىپ، ستاس پوكاتيلوۆ قاقپاسىنا پەنالتي بەلگىلەندى. ونى رەيۋ ماناي ءمۇلت جىبەرگەن جوق.
بۇگىن اتالعان توپتاعى بەلارۋس ءوز الاڭىندا ليتۆانى 2:0 ەسەبىمەن جەڭدى. بەس تۋردان كەيىن 10 ۇپايمەن بەلارۋس كوش باستاپ تۇر. ودان كەيىنگى ورىنداعى البانيانىڭ 8، ليتۆانىڭ 5 ۇپايى بار.
ءتورتىنشى ورىنداعى قازاقستان ەنشىسىندە 4 ۇپاي جازىلعان. ەندى قازاقستان قۇراماسى 18- قاراشادا ءوز الاڭىندا ليتۆانى قابىلدايدى. ەكەۋى الداعى ۋاقىتتا D ليگاسىنا تۇسەتىن سوڭعى ورىنداعى قۇرامانى انىقتايدى.