يتاليادا تاۋلىگىنە كوروناۆيرۋس ينفەكسياسىن جۇقتىرعانداردىڭ سانى 41 مىڭعا ارتتى. COVID-19-بەن اۋىرعان 550 ناۋقاس قايتىس بولدى. كامپانيا جانە توسكانا وبلىستارى «قىزىل ايماققا» ەندى. ەلدە «قىزعىلت سارى ايماقتاردىڭ» قاتارى دا كەڭەيىپ كەلەدى. مەملەكەتتىڭ دەنساۋلىق ساقتاۋ جۇيەسى كوپ اۋىرتپالىق تۇسۋدە.
يسپانيادا سوڭعى تاۋلىك ىشىندە 21 مىڭنان استام COVID-19 جۇقتىرعان ادام انىقتالدى. سىرقات تانۋ كورسەتكىشى 100 مىڭ تۇرعىنعا شاققاندا 498 جاعدايدى قۇرادى. بۇل ەل ۇكىمەت بەلگىلەگەن شەكتەۋ ەنگىزىلەتىن شەكتى ءمان.
ۇلى بريتانيا اۋرۋحانالارىندا COVID-19 دان 15 مىڭعا جۋىق ادام ەمدەلۋدە. كوروناۆيرۋستىڭ كوبەيۋ كوەففيتسيەنتى باسەڭدەپ 1 دەن 1,2 گە دەيىنگى ارالىقتا. ەل بيلىگى ۆيرۋستىڭ تارالۋ جىلدامدىعى تومەندەي باستاعانىنا قاراماستان، شەكتەۋلەردى جەڭىلدەتىلۋى بۇل ۇردىسكە تەرىس اسەر ەتۋى مۇمكىن دەپ ەسەپتەيدى.
فرانسيادا احۋالى ناشار COVID-19 ناۋقاستارىنىڭ سانى 4900 دەن اسپايدى. جالپى ەلدە كولەمىندە اۋىر ناۋقاستارعا ارنالعان 7700 توسەك بار. ولاردىڭ ۇشتەن ەكىسى بوس ەمەس. ەل بيلىگى قاجەتتىلىك تۋىنداسا، ەلدەگى قارقىندى تەراپياداعى ورىنداردىڭ سانىن 10400 گە دەيىن كوبەيتۋگە بولاتىندىعىن ايتادى. ەل ۇكىمەتى كارانتيندىك شارالاردىڭ جەڭىلدەتىلمەيتىندىگىن جەتكىزدى. اۋستريادا قايتادان ۇلتتىق كارانتين ەنگىزىلۋدە. سەيسەنبىدەن باستاپ دالاعا تەك ورىندى سەبەپتەرمەن شىعۋ مۇمكىن بولادى. مەكتەپتەر قاشىقتىقتان وقىتۋعا كوشەدى، قىزمەت كورسەتۋ كاسىپورىندارى مەن دۇكەندەردىڭ كوپشىلىگى جابىلادى.