بۇل تۋرالى قازاقپارات كابار اگەنتتىگىنە سىلتەمە جاساپ حابارلايدى.
پرەزيدەنت اپپاراتىنىڭ اقپاراتتىق ساياسات ءبولىمىنىڭ حابارلاۋىنشا، وسى جاعدايعا بايلانىستى تالانت مامىتوۆ ەل ازاماتتارىنا ۇندەۋ جولدادى.
«مەملەكەت باسشىسىنىڭ مىندەتتەرىن اتقارۋعا كىرىسە وتىرىپ، مەن حالىق پەن مەملەكەت الدىنداعى جەكە جاۋاپكەرشىلىگىمدى سەزىنەمىن. پرەزيدەنتتىڭ مىندەتتەرىن اتقارۋشى رەتىندە ءوزىمنىڭ كونستيتۋتسيالىق قۇقىقتارىم شەڭبەرىندە ادامداردىڭ بەيبىت ءومىرى مەن ەل تۇتاستىعىن قورعاۋ ءۇشىن قولدان كەلگەننىڭ ءبارىن جاسايتىن بولامىن. ەلىمىزدىڭ سانالى ازاماتتارى مەنى قولدايدى دەپ سەنەمىن. بارشا وتانداستارىمدى كەدەرگىلەر مەن قيىندىقتاردى جەڭۋگە ۇلەس قوسۋعا شاقىرامىن. ءوز ميسسيامىزدى ادال ورىندايتىندىعىمىزعا تولىق سەنىمدىمىن»، - دەلىنگەن پرەزيدەنت مىندەتىن اتقارۋشىنىڭ جولداۋىندا.
بۇدان بۇرىن سادىر جاپاروۆ ەل پرەزيدەنتىنىڭ مىندەتتەرىن اتقارۋشى وكىلەتتىگىن توقتاتقان ەدى. بۇل ونىڭ كانديداتۋراسى قىرعىزستان پرەزيدەنتىنىڭ لاۋازىمىنا ۇسىنىلۋىمەن بايلانىستى بولدى.