جول-كولىك وقيعاسىنىڭ بەينەروليگى الەۋمەتتىك جەلىدە تارادى. ودان باعىتتىق اۆتوبۋس جۇرگىزۋشىسىنىڭ بەتپە-بەت كەلگەن ەكىنشى اۆتوبۋستان قاشىپ ەلەكتر سىمدارىنىڭ باعانىنا سوعىلعانىن كورۋگە بولادى.
سالدارىنان باعان جول شەتىندە تۇرعان اۆتوكولىكتەردىڭ اراسىنا قۇلايدى. سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، «MAN 202» ماركالى №7-اۆتوبۋستى 59 جاستاعى جۇرگىزۋشى باسقارعان.
ول قارسى باعىتقا شىعىپ كەتىپ، اپاتتىق جاعداي تۋدىرعان. جولدىڭ ەكىنشى بەتىندە كەلە جاتقان «Shaolin» ماركالى №4-اۆتوبۋستىڭ 44 جاستاعى جۇرگىزۋشىسى قاقتىعىستان قاشىپ، ەلەكتر باعانىنا سوعىلعان. زارداپ شەككەندەر جوق.
اۆتوبۋسقا مەحانيكالىق زاقىم كەلدى. پوليتسەيلەردىڭ ايتۋىنشا، №7-اۆتوبۋستىڭ جۇرگىزۋشىسىنە ەكى باپ - «جول قوزعالىسى قاۋىپسىزدىگى ەرەجەسىن بۇزۋ سالدارىنان كولىك قۇرالىنا نەمەسە باسقا مۇلىككە زاقىم كەلۋ» جانە «جول- كولىك اپاتىنا بايلانىستى جۇرگىزۋشىنىڭ ءوز مىندەتتەرىن ورىنداماۋى» بويىنشا اكىمشىلىك حاتتاما تولتىرىلدى.
اۆتور: اقەركە داۋرەنبەك قىزى