يندونەزيا - ەرەكشە ەل. يندونەزيا ارحيپەلاگى 17 مىڭنان استام ارالدان قۇرالعان. بۇل جايت ونى الەمدەگى ەڭ ۇلكەن «ارال مەملەكەتكە» اينالدىرىپ وتىر.
وسىنداي كىشىگىرىم ارالداردىڭ كوپتىگىنىڭ ارقاسىندا يندونەزيا مادەنيەتى دە سان-الۋان ەرەكشەلىكتەرگە باي دەپ ايتۋعا بولادى.
سەبەبى، مۇندا حالقى 700 دەن استام تىلدە سويلەيدى.
كىشكەنتاي بۋتون ارالىنداعى تايپالاردىڭ ءبىرى سيرەك گەنەتيكالىق اۋرۋدىڭ ارقاسىندا ەرەكشە سۇلۋلىققا يە بولىپ وتىر.
ۆااردەنبۋرگ سيندرومى دەپ اتالاتىن بۇل دەرت تۇرعىنداردىڭ ەستۋ قابىلەتىن ناشارلاتۋدىڭ ورنىنا، ولاردىڭ كوز جانارىنىڭ ءتۇسىن وزگەرتكەن.
ناتيجەسىندە كوزدىڭ جاۋىن الار كوك ءتۇستى جانارعا يە بولعان تايپا وكىلدەرى الەم جۇرتشىلىعىنىڭ تاڭدايىن قاقتىرۋدا.
دەرتتىڭ سالدارىنان كەي تۇرعىنداردىڭ ءبىر كوزى عانا كوك تۇسكە بويالىپ، گەتەروحروميا بەلگىلەرى بايقالىپ جاتادى.
يندونەزيانىڭ ياۆا ارالىنان شىققان گەولوگ جانە اۋەسقوي فوتوگراف كورچنوي پاساريبۋ جەرلەستەرىنىڭ تاڭقالارلىق كوزدەرىن فوتوعا ءتۇسىرىپ، سۋرەتتەرمەن ءوزىنىڭ Instagram پاراقشاسىندا بولىسە باستايدى.
بۇل سيندرومعا شالدىعۋ مۇمكىندىگى 42000 نان 1 ءدى قۇرايتىندىعىن ايتا كەتۋ كەرەك.
«مەن ولاردى 2019-جىلدان باستاپ بىلەمىن، ءبىراق ولاردى سۋرەتكە تۇسىرۋگە 2020-جىلدىڭ 17- قىركۇيەگىندە ءبىر-اق باردىم. مەن ولاردى سۋرەتكە تۇسىرگەنىمە قۋانىشتىمىن»، - دەيدى پاساريبۋ.
فوتوگراف سونىمەن بىرگە ەكولوگيا مەن قورشاعان ورتاعا بايلانىستى بىرنەشە كەرەمەت سۋرەتتەر ءتۇسىردى.
KAZ. NUR. KZ