ونىڭ ايتۋىنشا، وقۋ ورنىنا سوزىلمالى اۋرۋلارى جوق بالالار عانا جىبەرىلەدى.
«بۇگىنگى تاڭدا 24 مەكتەپتىڭ بەسىنشى سىنىپ وقۋشىلارىنىڭ اتا- انالارىنان كەزەكشى سىنىپتاردا وقۋ قۇقىعىنا 578 ءوتىنىش كەلىپ ءتۇستى.
مەكتەپ وقۋشىلارىن وقىتۋ فورماسىن اتا-انالار نەمەسە زاڭدى وكىلدەر تاڭداۋعا قۇقىلى.
اتا- انالار بالالاردىڭ قوعامدىق ورتادا بولاتىنىن ءتۇسىنۋى ءتيىس جانە ولاردىڭ تاراپىنان ينفەكتسيانى جۇقتىرۋ ءقاۋپىن بولدىرماۋ بويىنشا بارلىق شارا قابىلدانۋى كەرەك. اتا- انالار بالاسىن وقۋ كۇنى باستالعاندا ەسىكتەن كىرگىزىپ، وقۋ كۇنى اياقتالعاننان كەيىن ەسىكتەن كۇتىپ، الىپ كەتەدى. مەكتەپتەر دەزينفەكتسيالىق قۇرالدارمەن قامتاماسىز ەتىلگەن»، - دەدى قايرات جۇمانوۆ.
ول الماتىدا ءبىرىنشى توقساندا 26 وقۋشى كوروناۆيرۋس جۇقتىرعانىن، ونىڭ ەكەۋى كەزەكشى سىنىپتاردا وقىعانىن اتاپ ءوتتى.
قايرات جۇمانوۆ اكىمدىك جەلتوقساناعى مەرەكەلەردى اتاپ ءوتۋدى قالاي جوسپارلاعانىن دا ايتتى.
«شىنىندا، جەلتوقسان مەملەكەتتىك مەرەكەلەرگە تولى - تۇڭعىش پرەزيدەنت كۇنى، تاۋەلسىزدىك كۇنى، جاڭا جىل. وكىنىشكە قاراي، ەپيدەميولوگيالىق جاعدايعا بايلانىستى باس دارىگەردىڭ قاۋلىسىمەن كەز كەلگەن بۇقارالىق شاراعا تىيىم سالىناعان. سوندىقتان ءبىلىم باسقارماسى ۇيىمداستىرعان ءىس- شارالار بولمايدى. ءىس- شارالاردى وتكىزۋ ءۇشىن ونلاين- فورمات پايدالانىلادى، كەزەكشى سىنىپتاردا وقيتىن بالالار ءۇشىن سىنىپ ساعاتتارى وتەدى، تولىعىراق اقپارات باسقارما سايتىندا جاريالانادى. قالا اكىمىنىڭ شىرشاسىنا كەلەتىن بولساق، بۇل ماسەلە قارالىپ جاتىر، ازىرگە ناقتى اقپارات جوق»، - دەپ تۇيىندەدى ول.
ەسكە سالايىق، الماتىلىق كەيبىر وقۋشىعا ەكىنشى توقساننان باستاپ ءداستۇرلى وقىتۋ فورماتىنا كوشۋگە رۇقسات بەردى.
ەكىنشى توقساندا 300-گە جۋىق وقۋشىسى بار مەكتەپتەردىڭ جۇمىسىنا رۇقسات بەرىلدى. ءبىر سىنىپتا 15 ادامنان اسپاۋى ءتيىس. مۇنداي جاعدايدا 1-11-سىنىپتار وقۋ ورىندارىنا ورالا الادى. بۇل تۋرالى الماتىنىڭ باس مەملەكەتتىك سانيتار دارىگەرى جانداربەك بەكشيننىڭ جاڭا قاۋلىسىندا جازىلعان.