كوپقاباتتى ءۇيدىڭ ىشىمەن وتەتىن پويىز

عيمارات ىشىندە تۇرعىندارعا ارنالعان «ليزيبا» ستانتسياسى بار.

مونورەلس جەلىسى 19 قاباتتى تۇرعىن ءۇيدىڭ ىشىنەن ءوتۋ ءۇشىن سالىنعان. پاتەرلەردىڭ ەڭ جاقىن قابىرعالارى پويىزبەن جاناسادى، ال ءبۇيىر جانە تومەنگى تەرەزەلەرگە دەيىنگى اراقاشىقتىق ءتىپتى مەترگە جەتپەيدى.

جەرگىلىكتى تۇرعىندار ءىس جۇزىندە ادام كوپ جۇرەتىن ستانتسيادا ءومىر سۇرگەنىمەن، پويىزدان شىققان شۋ ارنايى تەحنيكانىڭ كومەگىمەن باسىلادى.

Daily Mail بۇل دىبىس ۇيدەگى ىدىس جۋاتىن ماشينانىڭ دىبىسىنان دا تومەن دەپ مالىمدەگەن.

قالا اكىمشىلىگى مۇنداي شەشىمگە بۇكىل عيماراتتى بۇزباي مونورەلس جەلىسىن سالۋ ءۇشىن كەلگەن. جەرگىلىكتى قالالىق كولىك دەپارتامەنتىنىڭ وكىلى قالاداعى عيماراتتار وتە تىعىز سالىنعاندىقتان جاڭا جول سالۋ قيىن ەكەنىن ايتادى.

ايتا كەتەيىك، چۋنتسين - قىتايداعى يانتسزى مەن تسزيالتسزيان وزەندەرىنىڭ توعىسقان جەرىندە ورنالاسقان، ورتالىقتاندىرىلعان ءتورت قالانىڭ ىشىندەگى ەڭ ءىرىسى. ول تاۋلى-قىراتتى جەرلەرى ءۇشىن «تاۋلى قالا» دەپ اتالادى.

قىتايدىڭ وڭتۇستىك-شىعىسىنداعى چۋنتسين قالاسىندا 49 ميلليون ادام 80 مىڭ شارشى شاقىرىم اۋماقتا تۇرادى. بۇل اۋماققا نيدەرلاند سىندى ەكى مەملەكەت سيادى.

massaget.kz