قازاقستاندا قانشا جۇمىسسىز تىركەلگەن

6,7 ميلليون ادام (جۇمىسپەن قامتىلعانداردىڭ جالپى سانىنان 76,5%) جالدامالى قىزمەت بويىنشا جۇمىسقا تارتىلعان. جۇمىسسىزدار سانى (حالىقارالىق ەڭبەك ۇيىمىنىڭ ءادىسناماسى بويىنشا)، 454,8 مىڭ ادامدى، جۇمىسسىزدىق دەڭگەيى - %5 قۇرادى.

بۇل تۋرالى قازاقپارات ستاتيستيكا كوميتەتىنە سىلتەمە جاساپ حابارلايدى.

2020-جىلدىڭ III توقسانىندا قازاقستاننىڭ ەڭبەك نارىعىنا COVID-19 پاندەمياسى اسەرى ساقتالۋدا.

2020-جىلدىڭ ەكىنشى توقسانىمەن سالىستىرعاندا قىزمەتتىڭ توقتاتىلۋىنا بايلانىستى ۋاقىتشا جۇمىسسىزدار سانى %52 تومەندەدى، ءبىراق ءالى دە جوعارى - 131,7 مىڭ ادام. ونىڭ %25 - ساۋدا قىزمەتكەرلەرى، %21,4 - ءبىلىم، %10,3 - باسقا قىزمەتتەر كورسەتۋ (شاشتارازدار، سۇلۋلىق سالوندارى، ۇساق تۇرمىستىق قىزمەتتەر). بۇل رەتتە، 2020-جىلدىڭ II توقسانىمەن سالىستىرعاندا نەگىزگى جۇمىس ورنىندا جۇمىس كولەمىنىڭ تومەندەۋىنە (تولىق ەمەس جۇمىس كۇنى) نەمەسە جۇمىس بەرۋشىنىڭ باستاماسى بويىنشا جۇمىسپەن قامتىلعاندار سانى %37 ءوسىپ، 380 مىڭ ادامدى قۇرادى.

بۇل نەگىزىنەن پەرسونالدى قىسقارتىلعان جۇمىس كەستەسىنە اۋىستىرۋمەن بايلانىستى.

جۇمىسپەن قامتۋ ورگاندارىندا 2020-جىلعى قازان ايىنىڭ سوڭىنا 222,4 مىڭ ادام جۇمىسسىز رەتىندە رەسمي تىركەلگەن. تىركەلگەن جۇمىسسىزدار ۇلەسى جۇمىس كۇشى سانىنىڭ %2,4 ىن قۇرادى.