يراندا اباي شىعارمالارىنىڭ اۋدارماشىسىنا Ⅱ دارەجەلى «دوستىق» وردەنى تابىس ەتىلدى

گورگان. قازاقپارات - يراندا ەكى ەلدىڭ بايلانىستارى تۋرالى كوپتەگەن ەڭبەكتەردىڭ اۆتورى، يران قازاقتارىنىڭ تاريحىن زەرتتەۋشى، اباي ولەڭدەرى مەن پروزاسىنىڭ پارسى تىلىنە اۋدارماشىسى قاجىمۇحامەت شاتقامعا Ⅱ دارەجەلى «دوستىق» وردەنىن تابىس ەتۋ ءراسىمى ءوتتى، دەپ حابارلايدى قازاقپارات.

اباي قۇنانباي ۇلىنىڭ مۇراسىن ناسيحاتتاۋعا سىڭىرگەن ەڭبەكتەرى ءۇشىن ونى ماراپاتپەن ناگرادتاۋ تۋرالى جارلىققا پرەزيدەنت قاسىم- جومارت توقايەۆ 2020 -جىلعى 4 - تامىزدا قول قويعان بولاتىن. وردەن تاپسىرىلعاننان كەيىن ق. شاتقام اباي ەڭبەكتەرىن زەردەلەۋگە ارناعان 20 جىلدىق ەڭبەگىن جوعارى باعالاعانى ءۇشىن قازاقستان باسشىلىعىنا العىس ايتتى. ول ۇلى اقىننىڭ دۇنيەتانىمىنىڭ كوپتەگەن بەلگىلەرى، سونداي- اق قازاقستاننان شىققان باسقا دا اتاقتى ءابۋ ناسىر ءال- ءفارابيدىڭ دە قازاقتارعا، پارسىلارعا جانە ارابتارعا عانا ەمەس، بۇكىل ادامزاتقا ورتاقتىعىن اتاپ ءوتتى. ول ءوزىنىڭ تاريحي وتانىنا تابىس تىلەپ، الداعى ۋاقىتتا دا يرانمەن مادەني بايلانىستارىنىڭ دامۋىنا ءوز ۇلەسىن قوسۋعا نيەتتى ەكەنىن مالىمدەدى.

ءىس- شارانىڭ جالعاسى رەتىندە قازاقستاننىڭ گورگان قالاسىنداعى باس كونسۋلدىعى جانىنداعى اباي ورتالىعىنىڭ سالتاناتتى اشىلۋى ءوتتى. وعان قازاقستان ەلشىسى اسحات ورازباي، يراننىڭ گۇلستان پروۆينتسياسى گۋبەرناتورىنىڭ ءبىرىنشى ورىنباسارى يبراحيم كاريم، گورگان قالاسى اكىمشىلىگىنىڭ جانە قازاق دياسپوراسىنىڭ وكىلدەرى قاتىستى. ا. ورازباي قازىرگى قازاق جازبا ادەبيەتىنىڭ نەگىزىن قالاۋشىنىڭ جارقىن شىعارماشىلىعى تۋرالى ەگجەي- تەگجەيلى ايتىپ، ونىڭ قالىپتاسۋىنا يران مەن شىعىس پەن باتىستىڭ باسقا دا ەلدەرى پوەزياسىنىڭ كلاسسيكتەرىنىڭ شىعارمالارى ەلەۋلى ىقپال ەتكەنىن اتاپ ءوتتى. ەلشى اقىن رەتىندە عانا ەمەس، ءوز حالقىن ۇنەمى جاڭا ءبىلىم ىزدەۋگە جانە عىلىمداردى تۇسىنۋگە شاقىرعان ءىرى ويشىل جانە اعارتۋشى رەتىندە ونىڭ قۇندى زياتكەرلىك مۇراسىنا ەرەكشە توقتالدى.

گۇلستان پروۆينتسياسى گۋبەرناتورىنىڭ ءبىرىنشى ورىنباسارى ءال- فارابيدىڭ 1150 جانە ابايدىڭ 175 -جىلدىق مەرەيتويلارىنىڭ ەكى ەل حالىقتار اراسىنداعى دوستىق پەن ىنتىماقتاستىقتى دامىتۋداعى ەرەكشە ماڭىزدىلىعىن اتاپ ءوتتى. قازاقستاننىڭ ماڭعىستاۋ وبلىسى مەن يراننىڭ گۇلستان پروۆينتسياسى اراسىندا ورناتىلعان ورناعان ءوزارا ىنتىماقتاستىق شەڭبەرىندە ساۋدا- ەكونوميكالىق، مادەني، ءبىلىم، تۋريستىك جانە ەمدىك ءتۋريزمدى دامىتۋدا يگى قادامدار جاسالۋدا. گورگان مەن اقتاۋ اراسىندا تىكەلەي اۋە قاتىناسىن ورناتۋ، گۇلستاندىق بيزنەسمەندەردىڭ ماڭعىستاۋ وبلىسىندا ينۆەستيتسيالىق جوبالاردى ىسكە اسىرۋ، ءوزارا مادەني- سپورتتىق شارالاردى وتكىزۋ بويىنشا كەلىسۋلەر جۇرگىزىلۋدە، دەپ جاريالادى ي. كاريمي. ءىس- شارا قوناقتارىنا ءال- فارابي مەن ابايدىڭ ءومىرى مەن شىعارماشىلىعى، سونداي- اق قازىرگى قازاقستان تۋرالى باسپا جانە يلليۋستراتسيالىق ماتەريالدار تاراتىلدى. وسى ءىس- شاراعا قاتىسۋ شەڭبەرىندە گۇلستان پروۆينتسياسىنا جاساعان ءىس ساپارى بارىسىندا ا. ورازباي وڭىردەگى قازاق قانداستارىمىزدىڭ بەلسەندىلەرىمەن كەزدەسۋلەر وتكىزىپ، قازاقتار تۇراتىن ەلدى مەكەندەردە بولدى.

سۇحباتتار بارىسىندا ەلشى قازاقستاندا بولىپ جاتقان وڭ وزگەرىستەر تۋرالى بايانداپ، ەلىمىزدىڭ كوشى- قون ساياساتى مەن شەت ەلدەردەگى قانداستارىمىزعا كورسەتىلىپ وتىرعان قولداۋلار جونىندە اڭگىمەلەپ بەردى. قازاق دياسپوراسى جيناقى ورنالاسقان گورگان قالاسىندا اشىلعان ورتالىق يراندىقتارعا ەلىمىزدىڭ مادەنيەتى مەن عىلىمى تۋرالى عانا ەمەس، ونىڭ وزەكتى ساياسي، ەكونوميكالىق جانە الەۋمەتتىك جەتىستىكتەرى تۋرالى كوبىرەك بىلۋگە مۇمكىندىك بەرەدى.