قىتايدان جۇكتەر قازاقستانعا جاڭا ۇلگىمەن تاسىمالدانباق

نۇر-سۇلتان. قازاقپارات - قىتايدان جۇكتەر قازاقستانعا جاڭا ۇلگى بويىنشا تاسىمالدانادى.

بۇل تۋرالى قازاقپارات مەملەكەتتىك كىرىستە كوميتەتىنە سىلتەمە جاساپ حابارلايدى.

كورسەتىلگەن مودەل قىتاي تاراپىنىڭ تالاپتارىنا سايكەس فيزيكالىق كەزدەسۋدى بارىنشا ازايتىپ سانيتارلىق- ەپيدەميولوگيالىق قاۋىپسىزدىكتى قامتاماسىز ەتۋ بارىسىندا ازىرلەنگەن.

سونىمەن قاتار، ىسكە اسىرىلعان جاڭا فورماتتاعى شەكارا جۇمىسىنىڭ فورماسى، قازاقستان رەسپۋبليكاسى ۇكىمەتىنىڭ شەشىمى مەن ءتيىستى نورماتيۆتىك- قۇقىقتىق بازاسى قابىلدانعاننان كەيىن جەرگىلىكتى تۇرعىندار ءۇشىن قوسىمشا 200 جۇمىس ورنىن قامتاماسىز ەتتى. اعىمداعى جىلدىڭ تامىز ايىنان باستاپ قازان ايىنا دەيىنگى كەزەڭدە «ەۆروترانزيت» ج ش س قىتايدان كولىكتىك- لوگيستيكالىق ورتالىققا (TLC) 728 ءتيىستى رەيستى جۇزەگە اسىرىپ، مەملەكەتىمىزدىڭ قورىنا 227.3 ميلليون تەڭگە سالىق ءتۇسىرىپ وتىرىپ.

سالىستىرمالى تۇردە كەلتىرەتىن بولساق، وتكەن جىلدىڭ اعىمداعى كەزەڭىندە، قىتايدان تۇتىنۋ تاۋارلارىن تاسىمالداۋدىڭ ۇلكەن كولەمىمەن ورتاشا العاندا قازاقستان رەسپۋبليكاسىنىڭ كولىك كومپانيالارىنىڭ ءارقايسىسى بيۋدجەتكە 1,5 ميلليون. ت گ. سالىق تۇسىرگەن.

ەستەرىڭىزگە سالا كەتسەك، قىتاي تاراپىنان كارانتينگە بايلانىستى تۋىنداعان شەكارادان ءوتۋ ەرەجەلەرى مەن جۇكتەردى وڭدەۋ تالاپتارىنىڭ كۇشەتىلگەنى قازاقستان رەسپۋبليكاسىنىڭ «نۇر جولى» كەدەن وتكىزۋ پۋنكتىسىندە كولىكتەردىڭ كەپتەلىسىنە اكەلدى. ەڭ جوعارعى كەزەڭدەردە جۇكتەردى تاسىمالداۋ قۇنى 10 ەسەگە دەيىن، دەمەك 1500-دەن 15000 ا ق ش دوللارىنا دەيىن ءوستى، سوندىكتان دا قازاقستان تاسىمالداۋشىلارى جاپپاي «نۇرلى- جولعا» كەدەن وتكىزۋ پۋنكتىسىنە بەت الدى. ءبىر شاقىرىمعا سوزىلاتىن كەزەكتەردىڭ قالىپتاسۋىمەن «يتەرگىشتەر» دەپ اتالاتىندار تاراپىنان وزبىرلىق باستالدى.

ولاردىڭ شەكارادان زاڭسىز وتۋگە ارنالعان «كولەڭكەلى» سحەمالارىمەن جۇرگىزۋشىلەر مەن تاۋارلاردى ەكسپورتتاۋشىلاردىڭ كەرى بايلانىسىن تۋدىردى، قازاقستاننىڭ ترانزيتتىك يميدجىنە كەرى اسەرىن تيىگزدى، ويتكەنى كەزەكتە الىس شەتەلدەردەن (اۆستريا، گەرمانيا، فرانسيا) جۇرگىزۋشىلەر دە بولدى. جاعدايدى رەتتەۋ ءۇشىن قازاقستان رەسپۋبليكاسىنىڭ ۇكىمەتى ق ح ر- مەن ءبىرقاتار كەلىسسوزدەر جۇرگىزدى.

ناتيجەسىندە قىتاي تاراپىنىڭ كۇندەلىكتى قابىلداۋى 20 دان 80 اۆتوموبيلگە دەيىن ءوستى. سونداي- اق، قازاقستان اۋماعىندا شەكارالىق تلو اشۋ تۋرالى شەشىم قابىلداندى. وسىلايشا، بۇگىنگى كۇنى تاۋارلاردى قىتايلىق تىركەمەلەرگە تىكەلەي ءبىزدىڭ شەكاراداعى ت ل و- نا اكەلۋگە بولادى، ولار كەدەندىك وڭدەۋدەن ءوتىپ، تۇتىنۋ ايماقتارىنا ءارى قاراي تاسىمالداۋ ءۇشىن قازاقستاندىق كولىككە قايتا تيەلەدى.

قازاقستاندىق اۆتوموبيل كولىگىنىڭ ءبىر بولىگىنىڭ قىتاي جاعىنا ءوتۋ قاجەتتىلىگى جويىلدى جانە سايكەسىنشە «نۇر جولى» كەدەن وتكىزۋ پۋنكتىسىندە جۇكتەمە ازايدى. ت ل و- تا قايتا جۇكتەلگەننەن كەيىن، جۇكتەر وتاندىق كولىكتەرمەن الماتىعا جەتكىزىلەدى جانە مۇنداي تاسىمالداۋدىڭ قۇنى 200 مىڭ تەڭگەنى قۇرايدى. ءوز كەزەگىندە، بۇل جاعداي كومپانيالارعا تىركەمە تىركەلگەن قىتاي قابىلدامايتىن كولىك قۇرالدارىمەن تابىس تابۋعا مۇمكىندىك بەرەدى.

وسىعان بايلانىستى تاسىمالداۋشىلار ءۇشىن جۇك قۇنىن تومەندەتۋدىڭ سەبەپتەرى تۋىندادى. وسى تۇرعىدا بۇل تۇتىنۋشى ءۇشىن تاۋارلار قۇنىنىڭ تومەندەۋىنە اسەر ەتەدى. سونداي- اق، سىبايلاس جەمقورلىق، سۋبەكتيۆتى كوزقاراس ماسەلەلەرىن شەشەتىن جانە ادامي فاكتوردى جوققا شىعاراتىن كوپ- دە ەلەكتروندىق كەزەك ەنگىزىلدى.

GoCargo.kz سايتى ارقىلى الدىن- الا كەزەككە تاپسىرىس بەرۋگە بولادى. تاسىمالداۋشىلار وتكىزۋ پۋنكتىنە SMS حابارلامالارى ارقىلى كەلۋ قاجەتتىلىگى تۋرالى حاباردار ەتىلەدى. بولاشاقتا ەلەكتروندى كەزەك جۇيەسىنىڭ جۇمىسىن قازاقستاننىڭ باسقا دا وتكىزۋ پۋنكتتەرىندە تاراتۋ جوسپارلانىپ وتىر. سونىمەن قاتار، بۇگىنگى كۇنى شەكارادا كولەڭكەلى تاسىمالداۋشىلار مەن «يتەرۋشىلەردىڭ» ۇلكەن كىرىس كوزدەرىن تىكەلەي جاۋىپ تاستاعان ەلەكتروندى كەزەك جۇيەسىن بۇزۋ ارەكەتتەرى جاسالۋدا. جوعارىدا قابىلدانعان شارالار ناتيجەسى قىتايمەن ساۋدانىڭ وسۋىنە ىقپال ەتەدى. سونداي-اق ءبىرقاتار مىندەتتەر شەشىلەدى، ونىڭ ىشىندە بۇرىن جابىلعان باقىلاۋ بەكەتتەرىن اشۋ جانە جۇرگىزۋشىلەرگە ۆيزا بەرۋدى قالپىنا كەلتىرۋ.

اۆتور: بالنۇر قوجاگەلدى