جاپونيا وليمپيادانىڭ شەتەلدىك كورەرمەندەرىن ەكى اپتالىق كارانتيننەن بوساتپاق

توكيو. KYODO NEWS - قازاقپارات - جاپونيا ۇكىمەتى 2021-جىلعى توكيو وليمپياداسىنا كەلەتىن شەتەلدىكتەردى ەكى اپتالىق كارانتيننەن ءوتۋ قاجەتتىلىگىنەن بوساتۋ تۋرالى ماسەلەنى قاراستىرۋدا، دەپ حابارلايدى قازاقپارات KYODO NEWS اگەنتتىگىنە سىلتەمە جاساپ.

سونداي-اق جاپونيا بيلىگى وليمپيادانىڭ شەتەلدىك كورەرمەندەرىنىڭ ەلگە كىرۋىنە مىندەتتى شارتتار جاساۋدى جوسپارلاپ وتىر. ونىڭ نەگىزىندە شەتەل ازاماتتارى ەلگە كەلمەس بۇرىن جاسالعان كوروناۆيرۋس تەستىلەۋىنىڭ تەرىس ناتيجەسى تۋرالى بىرنەشە انىقتامانىڭ بولۋى شارت.

كەلگەننەن كەيىن شەتەلدىك ازاماتتار جەرگىلىكتى بيلىكتىڭ باقىلاۋىندا بولادى.

ەسكە سالا كەتەيىك، توكيو وليمپياداسى 2020-جىلدىڭ 24- شىلدەسى مەن 9- تامىزى ارالىعىندا ءوتۋى ءتيىس بولعان. پاندەمياعا بايلانىستى جارىستار ءبىر جىلعا كەيىنگە قالدىرىلىپ، 2021-جىلدىڭ 23- شىلدەسى مەن 8- تامىزى ارالىعىندا وتەتىن بولدى. سونىمەن قاتار «توكيو-2020» ويىندارىنىڭ اتاۋى دا ساقتالعان.