كۇرشىم اۋدانىندا ابايدىڭ ەڭسەلى ەسكەرتكىشى بوي كوتەردى - ش ق و

وسكەمەن. قازاقپارات - شىعىس قازاقستان وبلىسى كۇرشىم اۋدانىندا ابايدىڭ ەڭسەلى ەسكەرتكىشى بوي كوتەردى، دەپ حابارلايدى قازاقپارات ءتىلشىسى.

كۇرشىم اۋىلىندا ۇلى اقىننىڭ 175 جىلدىعىنا وراي «اباي الاڭى» سالتاناتتى تۇردە اشىلدى.

الاڭنىڭ جان-جاعىنا جارىق شامدارى ورناتىلىپ، تورىندە ۇلى اقىننىڭ ءمۇسىنى بوي كوتەردى.

قولادان قۇيىلعان اباي ەسكەرتكىشىنىڭ جالپى بيىكتىگى - 6 مەتر. الاڭنىڭ كوركىن اشىپ تۇرعان - مۋزىكالىق سۋبۇرقاق. سۋبۇرقاقتىڭ ەنى - 10 مەتر، ۇزىندىعى - 20 مەتر.

كەشكى ۋاقىتتا ءتۇرلى تۇسكە بويالاتىن زاماناۋي سۋبۇرقاق اۋەننىڭ ىرعاعىنا ساي 15-20 مەترگە دەيىن كوتەرىلەدى.

«اۋدان ورتالىعىندا بوي كوتەرگەن «اباي الاڭى» جەرگىلىكتى تۇرعىندار ءۇشىن زور قۋانىشقا اينالارىنا سەنىمدىمىن»، - دەيدى كۇرشىم اۋدانىنىڭ اكىمى دۋلات قاجانوۆ.