ەلوردادا مەملەكەتتىك تىركەۋ ءنومىرى بىردەي رەسەيلىك كولىكتەر انىقتالدى

نۇر- سۇلتان قالالىق پوليتسيا دەپارتامەنتىنىڭ مالىمەتىنشە، «نۇر- سۇلتان- شۋچينسك» اقىلى ۋچاسكەسىندە 0298УH96rus ءنومىرلى «Toyota Estima» ماركالى اۆتوماشينا تىركەلگەن. وسى ۋاقىتتا ءدال سونداي ءنومىرلى اۆتوماشينا «الماتى- قورعاس» تاسجولىندا ءجۇرىپ وتكەن. «Toyota Estima» جانە «Toyota Alphard» ماركالى اۆتوموبيلدەرگە قاتىستى دا وسىنداي جاعداي تىركەلگەن. ەلىمىزدىڭ اۋماعىندا 0298УH96rus نومىرلىك بەلگىسىمەن «Toyota Estima» ماركالى جانە M251TOrus نومىرلىك بەلگىسىمەن «Toyota Alphard» ماركالى ءۇش اۆتوموبيل جۇرەتىنى انىقتالعان.

«بارلىق ساپتىق بولىنىستەرگە مەملەكەتتىك تىركەۋ ءنومىرى ماشينالاردى ۇستاۋ جونىندە باعدار جىبەرىلدى. جول قوزعالىسىن مونيتورينگىلەۋ بارىسىندا اتالعان اۆتوماشينالار ەلوردا اۋماعىندا انىقتالدى. پوليتسيا دەپارتامەنتىنىڭ مامانداندىرىلعان باتالونى قىزمەتكەرلەرى مەملەكەتتىك ءنومىرى 0298yh96rus «Toyota Estima» ماركالى اۆتوماشينانى جانە مەملەكەتتىك ءنومىرى M251TOrus «Toyota Alphard» ماركالى اۆتوماشينانى ۇستادى» ، - دەپ اتاپ وتەدى دەپارتامەنتتەن. ۆەدومستۆو مالىمەتىنشە، قازىرگى كەزدە نومىرلەرى بىردەي اۆتوماشينالاردىڭ جۇرگىزۋشىلەرىنە قاتىستى ق ر ق ك 385-بابى 3-بولىگى بويىنشا (كورىنەۋ جالعان قۇجاتتى قولدانۋ) سوتقا دەيىنگى تەرگەپ- تەكسەرۋ جۇرگىزىلۋدە.

تەرگەۋ اياقتالعاننان كەيىن پروتسەسسۋالدىق شەشىم قابىلدانادى. اۆتوموبيلدەر ايىپ تۇراعىنا قويىلدى. قالعان اۆتوماشينالار بويىنشا ىزدەستىرۋ ءىس- شارالارى جۇرگىزىلىپ جاتىر.