«مەن شىن جۇرەكتەن دجو بايدەن مىرزانى ا ق ش- تاعى پرەزيدەنت سايلاۋىنداعى جەڭىسىمەن قۇتتىقتايمىن. ونىمەن مۇمكىندىگىنشە تەزىرەك كەزدەسۋدى اسىعا كۇتەمىن. ەۋروپالىق وداق پەن قۇراما شتاتتار - دوس ءارى وداقتاس. ءبىز بىرلەسە وتىرىپ، ورتاق تاريح پەن دەموكراتيانىڭ، بوستاندىقتىڭ، ادام قۇقىقتارىنىڭ، الەۋمەتتىك ادىلەتتىلىك پەن اشىق ەكونوميكانىڭ ورتاق قۇندىلىقتارىنا نەگىزدەلگەن تەڭدەسسىز ترانساتلانتيكالىق سەرىكتەستىك قۇردىق. بۇل سەرىكتەستىك ونداعان جىلدار بويى ەرەجەلەرگە نەگىزدەلگەن ليبەرالدى حالىقارالىق ءتارتىپتىڭ نەگىزى رەتىندە قىزمەت ەتىپ كەلەدى جانە اتلانتيكانىڭ ەكى جاعىندا دا تۇراقتىلىق، قاۋىپسىزدىك جانە وركەندەۋ تىرەگى بولىپ قالا بەرەدى. الەم وزگەرىپ، جاڭا سىن- قاتەرلەر مەن مۇمكىندىكتەر پايدا بولعان سايىن ءبىزدىڭ جاڭارتىلعان سەرىكتەستىگىمىز ەرەكشە مانگە يە بولادى. ەۋروپالىق كوميسسيا بۇگىنگى تاڭداعى وزەكتى ماسەلەلەردى شەشۋ ءۇشىن جاڭا اكىمشىلىكپەن جانە جاڭا كونگرەسپەن ىنتىماقتاستىقتى جانداندىرۋعا دايىن. COVID-19 پاندەمياسىمەن جانە ونىڭ ەكونوميكالىق، الەۋمەتتىك سالدارىمەن كۇرەس، كليماتتىڭ وزگەرۋىمەن بىرلەسكەن كۇرەس، ادامدارعا پايدا اكەلەتىن سيفرلىق ترانسفورماتسيانى ىلگەرىلەتۋ، ءبىزدىڭ ورتاق قاۋىپسىزدىگىمىزدى نىعايتۋ، سونداي- اق قاعيدالارعا نەگىزدەلگەن كوپجاقتى جۇيەنى رەفورمالاۋ سەكىلدى ماڭىزدى ماسەلەلەردى شەشۋ مىندەتى تۇر» ، - دەلىنگەن ۋرسۋلى فون دەر ليايەن مالىمدەمەسىندە.
بۇعان دەيىن حابارلانعانداي، امەريكا قۇراما شتاتتارىندا ءوتىپ جاتقان پرەزيدەنت سايلاۋىندا دەموكراتيالىق پارتيا اتىنان باق سىناعان دجو بايدەن جەڭىسكە قاجەت داۋىستى جينادى. ەسكە سالا كەتەيىك، قازاقستان پرەزيدەنتى قاسىم- جومارت توقايەۆ ا ق ش- تاعى پرەزيدەنت سايلاۋىندا جەڭىسكە جەتكەن دجو بايدەندى قۇتتىقتاعان بولاتىن.
اۆتورى: ارنۇر راحىمبەكوۆ