شاھار حالقىنىڭ وزدەرى ءتىپتى قالانىڭ كەلبەتتى بولۋىنا اتسالىسىپ، ۋربانيستيكا ورتالىعىنا جۇگىنىپ جاتادى. بۇل تۋرالى بىزگە نۇر- سۇلتان قالاسى اكىمىنىڭ ورىنباسارى نۇرلان سۇلتامبەكوۆ سۇحبات بارىسىندا كەڭىرەك اڭگىمەلەپ، باسقا دا قىزىقتى مالىمەتتەرمەن ءبولىستى. قالا كەڭىستىگىنىڭ ءبىر بولىگىن ءدال ءوزىمىز جوبالاۋىمىز كەرەك دەپ ەلەستەتىپ كورەيىكشى. جۇمىستى نەدەن باستايمىز؟
ول ورىندى جوبالاۋعا ەڭ باسىندا قالانىڭ وسى بولىگىنىڭ تۇرعىندارى قاتىسادى. الەۋمەتتىك جەلىدە ونلاين پاراقشالار مەن ارنالار اشىلىپ، ءدال سول الاڭدا قازىردىڭ وزىندە تۇرعىندار ءوز ۇسىنىسىن ورتاعا سالا الادى. سودان كەيىن جوبا تۇجىرىمداماسىن بەلسەندىلەر بەكىتىپ، ولار دا ۇسىنىسىن بەرەدى.
«كەيىنگى جىلدارى قالا جوبالارىنا تۇرعىنداردى تارتۋ بويىنشا ءبىز ءۇشىنشى دەڭگەيگە دەيىن جەتتىك. ءۇشىنشى دەڭگەي دەگەنىمىز - بۇل قالا حالقىنىڭ ويىن ەسكەرىپ، ولارمەن بىرگە شەشىم قابىلداۋ پروتسەسى. الداعى ۋاقىتتا وسى جۇمىسقا بۇدان دا كوپ قالالىقتاردى تارتۋ كوزدەلىپ وتىر» ، - دەيدى نۇرلان سۇلتامبەكوۆ.
بۇگىندە كەز كەلگەن ازامات ءوزىنىڭ يدەياسىن، ۇسىنىسىن Telegram ارنالاردا ءبولىسىپ، ودان بولەك ۋربانيستيكا ورتالىعىنا جۇگىنۋىنە بولادى. سونىمەن قاتار قالا تۇرعىندارىمەن ءبىرىڭعاي بايلانىس نۇكتەسىنە اينالعان، قالالىق كوممۋنالدىق قىزمەتتەردىڭ بارلىق بايلانىس ورتالىقتارىن بىرىكتىرۋگە جول اشقان iKOMEK 109 بايلانىس ورتالىعى بار. ءبىر قىزىعى، iKOMEK- ءتى ەنگىزۋ كەزىندە امەريكالىق تاجىريبە نەگىزگە الىنىپتى. ا ق ش- تا جۇزگە جۋىق قالانى قامتيتىن «311 سەرۆيسى» بار. ول قىزمەت حالىققا 4 مىڭنان استام مەملەكەتتىك جانە فەدەرالدىق قىزمەتتى ۇسىنادى ەكەن.
«ءبىز بولساق ت م د- دا ازاماتتارمەن قارىم- قاتىناس جاساۋدىڭ بىرەگەي جوباسىن جاسادىق. ايتپاقشى، ا ق ش بۇل مودەلدى 28 جىلدان بەرى كىرىكتىرىپ كەلە جاتسا، ءبىز 6 ايدا ەنگىزدىك»، - دەيدى iKOMEK109 قالالىق ورتالىعىنىڭ جەتەكشىسى جانات ءدۇبىروۆا.
نۇر- سۇلتان - سپورت قالاسى
قازىرگى ۋاقىتتا ەلوردادا ەڭ بەلسەندى سپورتشىلاردىڭ سانى 340 مىڭعا جەتەدى. ولار ءۇشىن بالالار، سپورت جانە گيمناستيكالىق الاڭداردا اشىق جاتتىعۋ قۇرالدارىنىڭ ەلەمەنتتەرى، ستريت ۋوركاۋت جانە كونكي الاڭدارى، ۇستەل تەننيس الاڭدارى جابدىقتالعان. ال سەرۋەندى ۇناتاتىندارعا ورىندىق مەن قوقىس جاشىگى قويىلىپ، اتكەنشەك پەن كولەڭكەلەيتىن شاتىرلار ورنالاستىرىلعان. كەيىنگى كەزدە كوپىر استىنداعى الاڭدى بەزەندىرۋ قالا بيلىگىن دە، حالىقتى تا قىزىقتىرا باستادى. مىسالى، مۇنداي ۋچاسكەلەر «ارقار» (سارايشىق كوشەسىنىڭ سول جاعالاۋى مەن وڭ جاعالاۋىن بىرىكتىرەتىن) جانە «بەلاسار» (امانگەلدى يمانوۆ پەن قانىش ساتبايەۆ كوشەلەرىن جالعايتىن) كوپىرىنىڭ استىندا بۇرىننان بار. ال يانۋشكيەۆيچ كوشەسىنىڭ بويىنداعى پاركۋر ايماعى قازىردىڭ وزىندە جاستار مەن بالالاردى قىزىقتىراتىن ورىنعا اينالدى.
قالا باسشىلىعى تاياۋ ارادا تاعى ءبىر پاركۋر ويىن الاڭىن سالۋعا ۋادە بەرىپ وتىر. ول بالالار مەن ەرەسەكتەرگە ارنالعان ەكى بولىككە بولىنەدى. جوبادا اۆتورلىق شاعىن ساۋلەت فورمالارى ورناتىلادى. نۇرلان سۇلتامبەكوۆتىڭ ايتۋىنشا، جۇگىرۋ مەن ۆەلوسيپەد تەبۋدى ۇنااتىندارعا ىڭعايلى بولۋى ءۇشىن پرەزيدەنت ساياباعى پەن ترياتلون ساياباعىنىڭ ۆەلوجولدارى بىرىكتىرىلگەن. ايتسە دە بۇل جاڭاشىلدىقتىڭ سوڭى ەمەس. «ۆەلوسيپەد ينفراقۇرىلىمى» جوباسىنا سايكەس، الداعى 3 جىلدا جالپى ۇزىندىعى 123 شاقىرىم ۆولەجول سالىنادى. قۇرىلىس قارجىلاندىرعۋعا بايلانىستى كەزەڭ- كەزەڭىمەن جۇرگىزىلەدى. ماسەلەن، كەلەسى جىلى شامامەن 46 شاقىرىم جول توسەلىپ، 22 ۆەلوسيپەد تۇراعى (Velo BIKE) سالىنادى. قالعانى الداعى ەكى جىلدا اسفالت توسەلىپ، قولدانىستاعى ۆەلوتۇراقتارعا قوسىمشا 29 جاڭا بايكەرلەر تۇراعى قوسىلادى.
ورتالىق باق ون جىلعا جەتەر- جەتپەس ۋاقىتتا ەلوردا ەداۋىر ءوسىپ، جاڭا ساياباقتار مەن سكۆەرلەر پايدا بولدى. سالدەن كەيىن كەشە عانا وتىرعىزىلعان اعاشتار ورتالىق ساياباققا - نۇر- سۇلتاننىڭ ەڭ ەسكى ساياباعىمەن تەڭەسەتىنى انىق. مىسالى، قالانىڭ وسىناۋ كورنەكى جەرىندە 127 -جىلدىق قارا تەرەك ءوسىپ تۇر. «ورتالىق ساياباقتا جۇگىرۋ جولاعى جابىندىمەن اۋىستىرىلىپ، جاڭا گيمناستيكالىق الاڭدار ورناتىلدى، ستريتبول الاڭى جاقسارتىلدى» ، - دەيدى نۇرلان قوجاحمەت ۇلى.
اباتتاندىرۋ مەن كوگالداندىرۋ پاندەميا مەن كارانتينگە قاراماستان بيىل 150 اۋلا مەن 60 قوعامدىق ورىندى اباتتاندىرۋ اياقتالدى. قالانىڭ ءارتۇرلى بولىگىندە جوندەۋ جانە اباتتاندىرۋ جۇمىسى جۇرگىزىلىپ جاتىر. «بۇگىندە «جاسىل بەلدەۋ» اۋماعىندا 15 ميلليون، ال قالانىڭ وزىندە 1 ميلليونعا جۋىق اعاش بار» ، - دەگەن نۇرلان قوجاحمەت ۇلى بيىل 100 مىڭعا جۋىق جاسىل جەلەك وتىرعىزىلعانىن قوسىپ ءوتتى.
دەمالىس كەيىنگى جىلدارى ەلوردا ميلليونەر قالا مارتەبەسىنە يە بولا وتىرىپ، اۋدان بويىنشا دا، تۇرعىندار سانى جاعىنان دا ايتارلىقتاي ءوسىپ- وركەندەپ شىعا كەلدى. ءوزىڭىز بىلەتىندەي، ەلىمىزدە مۇنداي مەگاپوليستەردى ساۋساقپەن سانارلىق. «ايتسە دە تۇرعىندارىمىزدىڭ قالاي تۇرىپ جاتقانى - ءبىزدىڭ ءاردايىم ويىمىزعا جۇرەتىن سۇراق» ، - دەيدى نۇرلان سۇلتامبەكوۆ.
قالاداعى كۇندەلىكتى ءومىر جۇمىس بارىسىمەن ءبىرقالىپتى ءجۇرىپ جاتسا دا، قالالىقتاردىڭ دەمالىس كۇندەرى ءار الۋاندىعىمەن ەرەكشەلەنە قويمايدى. ماسەلەن، الماتىلىقتار جۇمىس اپتاسىنىڭ سوڭىندا تاۋعا شىعادى. ال سولتۇستىك استانانىڭ تۇرعىندارى نە ىستەۋى كەرەك؟ وسى سۇراققا جاۋاپ بەرە وتىرىپ، نۇرلان قوجاحمەت ۇلى قالالىق قورشاعان ورتانى قورعاۋ جانە تابيعاتتى پايدالانۋ باسقارماسى جۇزەگە اسىرىپ جاتقان «تالدىكول كولىنەن وڭتۇستىك- باتىستاعى رەكرەاتسيالىق ايماق» جوباسى تۋرالى ايتىپ بەردى.
رەكرەاتسيالىق ايماق قالانىڭ سول جاعالاۋىندا، قارقارالى تاس جولى مەن وڭتۇستىك- باتىس اينالما جولىنىڭ قيىلىسىندا ورنالاسادى. ونى دامىتۋ جوباسى قازىردىڭ وزىندە ەكى كەزەڭدى قامتيدى: «تۋريستىك باعدار» جوبالاۋشىلاردىڭ جوسپارى بويىنشا قالا تۇرعىندارى ۇزىندىعى 15,5 شاقىرىمدى قۇرايتىن اتپەن سەرۋەندەۋ الاڭىندا جىلقى ءمىنىپ، قىدىرا الادى. باعدار بويىندا دەمالىس ورىندارى مەن مودۋلدىك دارەتحانالار سالىنادى. ات ءىزى اتشابار اۋماعىمەن تىعىز بايلانىستىرىلىپ، دەمالىس ايماعىندا ورنالاسادى. جوبا وسى جىلدىڭ تامىزىندا عانا باستالعان. سالىپ جاتقان كومپانيا ونى كەلەسى جىلى اياقتاۋعا مىندەتىنە العان.
ەكىنشى جوبا - Zoosafari. جوبادا 3 شاقىرىمدىق سەرۋەندەۋ جولدارى بار ورمانداعى تابيعي باق، سونداي- اق بالالار ويىن الاڭدارى مەن 2 ۆيزيت ورتالىعى بولادى. سافاري باعىنىڭ جالپى اۋدانى 277 گەكتار بولاتىن 4 بولىككە بولىنەدى. ونى كۇتىپ ۇستاۋ ءۇشىن ايماقتا باقىلاۋ مۇناراسى، ۆەتەرينارلىق بەكەت، اڭشىلار ءۇيى جانە جەم ساقتاۋعا ارنالعان انگار سالىنادى. قازىر بۇل جوبانىڭ جوبالىق- سمەتالىق قۇجاتتاماسى ازىرلەنىپ جاتىر. جىلدىڭ سوڭىنا قاراي جوبانى جاساۋشىلار ساراپتاما تاپسىرىپ، كەلەسى جىلدان باستاپ قۇرىلىس جۇمىستارىن باستايدى.
«جاسىل بەلدەۋ» اۋماعىنداعى تاعى ءبىر نىسان - قىرعاۋىلداردى مەكەن ەتكەن ورىندى قالپىنا كەلتىرۋ. ەگەر جوبا وسى جىلدىڭ سوڭىنا دەيىن اياقتالسا، وندا 2021 -جىلدان باستاپ وندا جەتىسۋ قىرعاۋىلدارى جىبەرىلەدى. قالا كەڭىستىگىن جاقسارتۋعا تىرىسقان اكىمدىك قالا ماڭىن نازاردان تىس قالدىرماۋدى كوزدەر وتىر.
وتكەن ايدا «كوكتال-1» تۇرعىن الابىنىڭ اۋدانىندا اۋماعى 15 گەكتاردان اساتىن ساياباق اشىلدى. نۇرلان قوجاحمەت ۇلىنىڭ ايتۋىنشا، «ساياباقتا باسكەتبول الاڭى، فۋتبول الاڭى، ۆولەيبول الاڭى، تەننيس كورتى جانە ۋوركاۋت كورتى بار. سونداي- اق وندا يوگا ساباقتارىنا ارنالعان ورىن دا جابدىقتالعان. جاقىندا ۆەلوسيپەدتەردى جالعا بەرەتىن ەكى پۋنكتتىڭ قۇرىلىسىن باستاۋ جوسپارلانۋدا. ءبىرى يلينكا اۋىلى بارا جاتقان قورعالجىن تاس جولىنىڭ بويىندا، ەكىنشىسى قوسشى اۋىلىندا بولادى. ماتەريالدا Streets of Astana فەيسبۋك پاراقشاسى مەن نۇر- سۇلتان اكىمدىگىنىڭ رەسمي سايتىنىڭ يلليۋستراتسيالارى قولدانىلادى.