«پولشانىڭ قۇقىق قورعاۋ ورگاندارىنىڭ مالىمەتىنشە، جەرگىلىكتى پوليتسيا كىسى ولتىرگەن كۇدىكتىنى جانە ونىڭ جولداسىن - وسى ەلدىڭ ازاماتتارىن ۇستادى. بىرىنشىسىنە كىسى ءولتىردى دەگەن ايىپ تاعىلدى. ال ونىڭ دوسى تەرگەۋگە كەدەرگى كەلتىردى جانە كومەك كورسەتپەدى دەپ ايىپتالۋدا. كۇدىكتىنىڭ اڭشى ەكەنى انىقتالدى جانە قازاقستاندىق ستۋدەنتتەر تۇرعان جاققا وق اتقان. قازىرگى ۋاقىتتا تەرگەۋ شارالارى جۇرگىزىلۋدە»، - دەلىنگەن ق ر سىرتقى ىستەر مينيسترلىگى تاراتقان رەسمي اقپاراتتا.
ۆەدومستۆونىڭ اتاپ وتۋىنشە، قازاقستان تاراپى پولشا بيلىگىنە بارىنشا مۇقيات تەرگەۋ جۇرگىزۋدى جانە بارلىق كىنالىلەردى جازالاۋ تۋرالى ءوتىنىش بىلدىرگەن. قازىرگى ۋاقىتتا ديپلوماتتار قۇجاتتاردى راسىمدەپ، مارقۇمنىڭ دەنەسىن وتانىنا جىبەرۋ بويىنشا شارالار قابىلداپ جاتىر.
«قايتىس بولعان ستۋدەنتتىڭ تۋىستارى مەن جاقىندارى ولاردىڭ سەزىمدەرى مەن جەكە ومىرىنە قول سۇقپاۋ قۇقىعىن قۇرمەتتەۋدى، وسى تراگەديا توڭىرەگىندە دۇرلىكتىرمەۋدى سۇرايدى»، - دەدى مينيسترلىكتەن.
اۆتور: مارلان جيەمباي