قالالىق توتەنشە جاعدايلار دەپارتامەنتىنىڭ مالىمەتىنشە، 5-6 - قاراشا ارالىعىندا رەسپۋبليكانىڭ بارلىق ايماعىندا «قىس-2020» شتابتىق جاتتىعۋ وتكىزىلۋدە. شارا بارىسىندا الماتى قالاسى توتەنشە جاعدايلار دەپارتامەنتىنىڭ احۋالدىق زالىندا ازاماتتىق قورعاۋ قىزمەتتەرى جانە اۋداندىق اكىمدىكتەرمەن ونلاين رەجيمىندە قىس كەزەڭىندە بولۋى مۇمكىن توتەنشە جاعدايلارداعى ءىس- ارەكەتتەر تالقىلاندى.
سونىمەن قاتار، دەپارتامەنتتەگىلەر ارنايى جابدىقتالعان تەحنيكا تۋرالى ايتىپ بەردى. كوپماقساتتى ءورت ءسوندىرۋ كولىگى تۇرعىن ءۇيدى جىلۋمەن ۇزدىكسىز قامتاماسىز ەتە الادى. ياعني، جىلىتۋ قازاندىقتىڭ جۇكتەمەسىن وزىنە اۋىستىرىپ، ۇيدەگى جىلۋ جۇيەسىنىڭ قاتۋىنا جول بەرمەيدى. مۇنداي تەحنيكا رەسپۋبليكا بويىنشا - تورتەۋ.
«اتالعان اۆتوكولىك پاتەرلەردەگى جىلىتۋ جۇيەسىنىڭ قاتۋىنا مۇمكىندىك بەرمەيدى جانە ەكى كوپقاباتتى تۇرعىن ءۇيدى (60 پاتەرگە دەيىن) جىلىتۋعا اۋىستىرۋ مۇمكىندىگى بار. رەسپۋبليكادا بارلىعى وسىنداي 4 اۆتوكولىك بار، ولاردىڭ 2 الماتى قالاسى ت ج د ەسەبىندە»، - دەپ اتاپ ءوتتى الماتى قالالىق ت ج د باستىعىنىڭ مىندەتىن اتقارۋشى ەرلان الىبەكوۆ.
ونىڭ ايتۋىنشا، قىس ماۋسىمىنا تەحنيكالار تولىق دايىن. «قىسقى كەزەڭدە قالادا ازاماتتىق قورعاۋ قىزمەتتەرىنىڭ كۇشتەرى مەن قۇرالدارىنىڭ جەكە قۇرامنان 1248 ادام، 459 تەحنيكا، 10 جىلجىمالى توقپەن قامتاماسىز ەتۋ كوزدەرى (ديزەلدى ەلەكتر ستانسيالارى) دايىن. قالادا قاردى تازالاۋ ءۇشىن 1035 بىرلىك كولەمىندە ارنايى قار جينايتىن تەحنيكا,33 مىڭ توننا تەحنيكالىق تۇز، 85 مىڭ توننا قۇمدى مايدا تاستار ازىرلەندى»، - دەدى ول.
اۆتور: الما مۇقانوۆا