بايقاۋعا قاتىسقان بارلىعى 9717 وتباسىنىڭ ىشىنەن ەڭ ۇزدىكتەرى انىقتالدى. باس جۇلدە «پاراساتتى وتباسى» نوميناتسياسىن جامبىل اۋدانى شايقورىق اۋىلىنىڭ ابىلدايەۆتار وتباسى جەڭىپ الدى.
وتاعاسى ءتاجىعۇل ابىلدايەۆ وبلىستاعى ەڭ ءىرى كاسىپورىن «كازفوسفات» ج ش س- دا ەڭبەك ەتەدى. 4 بالا تاربيەلەپ وتىرعان ابىلدايەۆتار وتباسى باۋىرمالدىق، قايىرىمدىلىق، دوستىق، وتانسۇيگىشتىك يگى قاعيدالارىن نەگىزگى ۇستانىمىنا اينالدىرىپتى.
سونداي-اق، بۇدان بولەك 19 وتباسى «ۇزدىك وقىرمان وتباسى»، «ونەرلى وتباسى»، «جومارت وتباسى»، «ينتەللەكتۋالدى وتباسى»، «كوپتىلدى وتباسى»، «شەبەرلەر وتباسى»، «وندىرىستەگى ۇزدىك وتباسى»، «ەڭ سالاۋاتتى وتباسى»، «شىعارماشىل وتباسى» سەكىلدى نوميناتسيالار بويىنشا ماراپاتتالىپ، ۇزدىكتەر قاتارىنان كورىندى.
جەڭىمپازدار جامبىل وبلىسى اكىمىنىڭ ورىنباسارى تالعات مامايەۆ جانە ق ر سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنت باسشىسى ادىلبەك اشىربايەۆ قۇتتىقاپ، باعالى سىيلىقتار تابىس ەتتى.
«بايقاۋ ق ر سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتى، «جامبىل ادالدىق الاڭى» جانە وبلىستىق ءبىلىم باسقارماسىنىڭ ۇيىمداستىرۋىمەن بيىل ەكىنشى رەت ۇيىمداستىرىلىپ وتىر. مۇنداعى ماقسات - قوعامنىڭ نەگىزىن قالايتىن وتباسى ينستيتۋتىن دامىتۋ.
سونداي-اق وتباسىنداعى باۋىرمالدىق، قايىرىمدىق قاسيەتتەردى وسكەلەڭ ۇرپاقتىڭ بويىنا ءسىڭىرۋ. ون مىڭعا جۋىق وتباسى قاتىسقان بايقاۋدىڭ اقتىق سىنىندا «پاراساتتى وتباسى»، «كوپ ءتىلدى وتباسى»، «ينتەللەكتۋالدى وتباسى» سىندى نوميناتسيالار كوپتىڭ كوڭىلىنەن شىقتى، - دەدى تالعات مامايەۆ.
سونداي-اق، اتالعان دەپارتامەنتىنىڭ باسشىسى ءادىلحان اشىربايەۆ اتالعان بايقاۋدىڭ وڭىردەگى وتباسىلاردى پاراساتتىلىققا باۋليتىنىن تىلگە تيەك ەتىپ، قوعامنىڭ جاقسارۋى وسىنداي ونەگەلى وتباسىلاردان باستالاتىنىن جەتكىزدى.