كەلىسسوزدەر ءوز ناتيجەسىن بەرىپ، ەكى جاقتى ءتيىمدى كەلىسىمشارتقا قول قويىلدى، دەپ حابارلايدى قازاقپارات ءتىلشىسى.
س ق و اكىمى باسپا ءسوز قىزمەتىنىڭ مالىمەتىنشە، «Claas» نەمىس كومپانياسىمەن سقو اۋماعىندا زاۋىت اشۋ جايىندا كەلىسسوزدەر 1,5 جىل بويى جۇرگىزىلدى. ناتيجەسىندە اۋىل شارۋاشىلىعى تەحنيكاسىن وندىرىستىك قۇراستىرۋ جونىندە كەلىسىمشارتقا قول قويىلدى. پەتروپاۆلدا بولاشاق زاۋىتتىڭ عيماراتى كۇردەلى جوندەۋدەن ءوتىپ جاتىر. بۇل جەردە كومبايندار، تراكتورلار جانە ەگىس كەشەندەرى قۇراستىرىلاتىن بولادى.
«نەمىس كومپانياسىنىڭ باسشىلىعىمەن كەزدەسىپ، بارلىق بيزنەس مودەلدەردى كورسەتتىك. كومپانيا قاراجات سالعاننان كەيىن ودان پايدا كورگىسى كەلەدى عوي. مىسالى «Claas» كومپانياسىنىڭ زاۋىتتارى 10 جىل بۇرىن رەسەيدە اشىلعان. وزبەكستاندا جۇمىس ىستەپ جاتىر. نەگە بىزدە جوق؟ ! س ق و- دا اۋىل شارۋاشىلىعى سالاسىنىڭ كولەمى ۇلكەن. ءبىز جىل سايىن 300 كومباين ەمەس، ارزان بولسا 500 كومباين الاتىن بولامىز. الاتىن مۇمكىندىكتەرىمىز بار. «قازاگروقارجى» ارقىلى ليزينگپەن بىرنەشە جىلعا تومەن پايىزدىق مولشەرلەمەمەن الۋعا بولادى. وسىدان بىرنەشە جىل بۇرىن اۋىل شارۋاشىلىعى تەحنيكاسىن العان كەزدە ديقاندار العاشقى سالىم - %25 بەرۋگە مىندەتتى ەدى. ءقازىر ول اقشانى ۇكىمەت ءوزى تولەپ وتىر. وسى بارلىق ءتيىمدى تۇستارىن كورسەتىپ، نەمىس كومپانياسىمەن كەلىسىمشارتقا قول قويدىق»، - دەيدى زاۋىتتىڭ قۇرىلىس جۇمىستارىن كورگەن س ق و اكىمى قۇمار اقساقالوۆ.
س ق و ديقاندارى قازىردىڭ وزىندە «Claas» كومپانياسىنىڭ 500 دەن استام تەحنيكاسىن، سونىڭ ىشىندە 100 تراكتور، 311 كومباين جانە 100-دەن ارتىق ءتۇرلى اۋىل شارۋاشىلىعىندا قاجەت ءونىمىن قولدانىپ ءجۇر.
«اۋىل شارۋاشىلىعى تەحنيكاسىن شىعاراتىن الەمگە تانىمال كومپانيا وبلىس ەكونوميكاسىنا 3 ميلليمارد تەڭگەدەن استام قارجى سالماق. س ق و ديقاندارى ساپالى تەحنيكانى ارزان باعاعا الاتىن بولادى. ەگەر بۇرىن تراكتور 153-تەن 164 ميلليون تەڭگەگە دەيىن، كومبايندار 136-171 ميلليون تەڭگە ارالىعىندا تۇرسا، ەندى ولاردىڭ باعالارى %50 دەيىن ارزان بولادى. ياعني %12 ق ق س، %5 كەدەن سالىعى جانە %35 ينۆەستيتسيالىق سۋبسيديا تەحنيكا قۇنىنان الىنادى. سونداي- اق «Claas» باستان- اياق سەرۆيستىك قىزمەت كورسەتەدى»، - دەيدى ءوڭىر باسشىسى.
كاسىپورىندا العاشقى كەزەڭدە 100 جۇمىس ورنى اشىلادى. كومپانيا زاۋىتتى ءارى قاراي دامىتۋ ءۇشىن تەحنيكالىق كادرلاردىڭ دايىندىعىمەن اينالىسادى. جىلىنا 300 اۋىل شارۋاشىلىعى تەحنيكاسىن شىعارۋدى جوسپارلاعان.