ق ر پارلامەنتى سەناتىنىڭ الەۋمەتتىك- مادەني دامۋ كوميتەتى دەپۋتاتتارىنىڭ اقپارات جانە قوعامدىق دامۋ ءمينيسترى ايدا بالايەۆامەن جانە قوعام وكىلدەرىمەن كەزدەسۋى مەملەكەت باسشىسى قاسىم- جومارت توقايەۆتىڭ بيىلعى جولداۋىن ىسكە اسىرۋ شەڭبەرىندە ءوتتى. كەزدەسۋ بارىسىندا قوعامدىق باقىلاۋدى زاڭنامالىق بەكىتۋ ماسەلەلەرى بويىنشا نەگىزگى تاسىلدەر تالقىلاندى.
«ايدا بالايەۆا قوعامدىق باقىلاۋ ينستيتۋتىن جەتىلدىرۋدىڭ ۋاقتىلىعى مەن وزەكتىلىگىن اتاپ ءوتىپ، «قوعامدىق باقىلاۋ جۇيەسىن قالىپتاستىرۋ جانە قوعامدىق باقىلاۋدى جۇزەگە اسىرۋ پروتسەسىن قۇقىقتىق رەگلامەنتتەۋ ءۇشىن قۇقىقتىق جاعدايلار جاساۋ ازاماتتاردىڭ بارلىق سىندارلى سۇرانىستارىنا جەدەل جانە ءتيىمدى جاۋاپ بەرەتىن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ بويىنشا مەملەكەت باسشىسى قويعان مىندەتتەردى جۇزەگە اسىرۋ ءۇشىن پارمەندى شارالاردىڭ ءبىرى بولاتىنىن» جەتكىزدى.
وسىلايشا، بولاشاق زاڭ جوباسىنىڭ ماقساتى قوعامدىق باقىلاۋ جۇيەسىنىڭ قۇقىقتىق نەگىزىن، سونداي- اق ازاماتتىق قوعامدى ودان ءارى دامىتۋ ءۇشىن قۇقىقتىق جاعدايلار جاساۋدى ايقىنداۋ ۇسىنىلادى.
«زاڭ جوباسىنىڭ مىندەتىنە ءبىرىڭعاي ۇعىمدىق اپپاراتتى قالىپتاستىرۋ، قوعامدىق باقىلاۋدى جۇزەگە اسىرۋ قاعيداتتارىنىڭ ءبىرىڭعاي جۇيەسىن بەلگىلەۋ، سىبايلاس جەمقورلىققا قارسى كۇرەستە قوعامدىق كۇش- جىگەردى بىرىكتىرۋدىڭ قۇقىقتىق تەتىكتەرىن جاساۋ، سونداي- اق قوعامدىق باقىلاۋ سۋبەكتىلەرى مەن وبەكتىلەرىنىڭ فۋنكتسيالارىن، وكىلەتتىكتەرى مەن جاۋاپكەرشىلىگىن ايقىنداۋ كىرەدى»، - دەلىنگەن اقپارات جانە قوعامدىق دامۋ مينيسترلىگىنىڭ اقپاراتىندا.
كەزدەسۋ بارىسىندا «قازاقستاننىڭ ەكولوگيالىق ۇيىمدارىنىڭ قاۋىمداستىعى» ز ت ب باسقارما ءتوراعاسى ايگۇل سولوۆيەۆا، «قازاقستاننىڭ ازاماتتىق اليانسى» زتب پرەزيدەنتى بانۋ نۇرعازيەۆا، «ۇلت تاعدىرى» ق ب ءتوراعاسى دوسماحامبەت كوشىم جانە «ادام قۇقىقتارى مەن زاڭدىلىقتى ساقتاۋ جونىندەگى قازاقستاندىق حالىقارالىق بيۋرو» ق ب ديرەكتورى ەۆگەني جوۆتيس، ساياساتتانۋشى، مەملەكەت جانە قوعام قايراتكەرى ايدوس سارىم، «eurasian Expert Council» ق ق باسشىسى شىڭعىس لەپسىبايەۆ ءسوز سويلەدى.