اليك شپەكبايەۆ سىبايلاس جەمقورلىققا قارسى زاڭناماداعى وزگەرىستەر تۋرالى ءسوز قوزعاپ، ەلدە جۇرگىزىلىپ جاتقان جەمقورلىققا قارسى ساياسات جانە قابىلدانىپ جاتقان الدىن الۋ شارالارى تۋرالى ەگجەي- تەگجەيلى باياندادى. اگەنتتىك ءتوراعاسى باسشىلاردىڭ قاراماعىنداعى قىزمەتكەرلەرىنىڭ سىبايلاس جەمقورلىعى ءۇشىن جاۋاپ بەرەتىنىن ەسكە سالدى. ايتا كەتەيىك، وسى جىلدىڭ قىركۇيەك ايىندا رۋدنىي قالاسىنىڭ اكىمى ب. عايازوۆ قاشار كەنتىنىڭ اكىمىنىڭ جەمقورلىق قىلمىسى ءۇشىن قىزمەتىنەن بوساتىلعان ەدى.
«قازىرگى تاڭدا سىبايلاس جەمقورلىققا قارسى زاڭناما ءار باسشىعا جوعارى تالاپتار قويىپ وتىر. سىزدەر تۇتاس مەملەكەتتىك ورگاننىڭ جۇمىسى تازالىق پەن پاراساتتىلىققا باعىتتالۋعا بايلانىستى ەكەنىن جەتە تۇسىنۋلەرىڭىز قاجەت. سوندىقتان باسشىلاردىڭ جەمقورلىققا جول اشاتىن كەز كەلگەن جاعدايدى جويۋ بويىنشا بەلسەندى ارەكەت جاساۋى ماڭىزدى. بۇل ءۇشىن بارلىق قۇرالدار بار. ەڭ باستىسى - شىنايى نيەتتىڭ بولۋى»،- دەدى سىبايلاس جەمقورلىققا قارسى قىزمەت باسشىسى.
سىبايلاس جەمقورلىققا قارسى ءىس- قيمىل ۆەدومستۆوسىنىڭ باسشىسى ازاماتتارمەن سىندارلى ديالوگتى كەڭەيتۋ قاجەتتىلىگىنە، جەرگىلىكتى اتقارۋشى ورگانداردىڭ ازاماتتار ءۇشىن قولايلى جاعداي جاساۋ جۇمىسىن كۇشەيتۋ مەن قوعامدىق باقىلاۋعا نازار اۋداردى. قوعامدىق ۇيىمدار وكىلدەرىنە ارناعان سوزىندە اليك شپەكبايەۆ مەملەكەتتىك ورگانداردىڭ جۇمىسىن ترانسفورماتسيالاۋدا ازاماتتاردىڭ ءرولى ارتىپ كەلە جاتقانىن اتاپ ءوتتى. اليك شپەكبايەۆ ح ق ك و تۋرالى ايتا كەلە، ەلەكتروندىق مەملەكەتتىك قىزمەت كورسەتۋدىڭ ۇدەمەلى دامۋىن اتاپ ءوتتى.
«قاعاز جۇزىندە كورسەتىلەتىن قىزمەتتەر - وتكەن كۇننىڭ بەلگىسى. شەنەۋنىكپەن بايلانىس ورناتۋ ارقىلى قىزمەت كورسەتۋ تۇرمىستىق سىبايلاس جەمقورلىق قاۋپىن ارتتىرادى. ح ق ك و- لاردىڭ سانىن كوبەيتۋدىڭ قاجەتى جوق. ازاماتتاردى ەلەكتروندىق مۇمكىندىكتەرمەن جۇمىس ىستەۋ داعدىلارىنا ۇيرەتۋگە جانە اكىمدىكتەردىڭ فرونت- كەڭسەلەرىن ساپالى پىسىقتاۋعا نازار اۋدارۋ قاجەت»، - دەدى ول.