«بۇگىن ماجىلىسكە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول قوزعالىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى كەلىپ ءتۇستى.
ونى ىشكى ىستەر مينيسترلىگى مەملەكەت باسشىسىنىڭ تاپسىرماسى بويىنشا ۇلتتىق سەنىم كەڭەسى اياسىندا ازىرلەدى.
2019-جىلدىڭ جەلتوقسانىندا ۇلتتىق كەڭەستىڭ ەكىنشى وتىرىسىندا پرەزيدەنت قاسىم-جومارت توقايەۆ كولىك جۇرگىزۋشىلەرىن ۇيدە كەيبىر قۇجاتتى ۇمىتىپ كەتكەنى ءۇشىن جازالاۋدى توقتاتۋ تۋرالى بۇيرىق بەردى.
وزدەرىڭىز بىلەتىندەي، قازىر جۇرگىزۋشىلەر وزىمەن بىرنەشە قۇجاتتى، اتاپ ايتقاندا جەكە كۋالىك، كولىك جۇرگىزۋ كۋالىگىن، تىركەۋ كۋالىگى، تەحنيكالىق جانە ساقتاندىرۋ قۇجاتىن الىپ ءجۇرۋى ءتيىس. پرەزيدەنت قاعاز قۇجاتتاردىڭ سانىن ازايتىپ، بارلىق دەرەكتەردى بىرىكتىرۋدى ۇسىندى. ۇكىمەتكە وسى ماسەلەلەردىڭ بارلىعىن پىسىقتاۋدى تاپسىردى. ناتيجەسىندە ءتيىستى زاڭ جوباسى ازىرلەندى»، - دەپ جازادى ەرلان قارين.
ەندىگى كەزەكتە جاڭا نورمالارعا سايكەس اۆتوكولىكپەن جۇرگەن كەزدە تەك ءبىر عانا قۇجات - جەكە كۋالىك نەمەسە جۇرگىزۋشى كۋالىگى تالاپ ەتىلەدى.
«قازىرگى ۋاقىتتا رەسپۋبليكادا 4,2 ميلليونعا جۋىق كولىك تىركەلگەن. ءاربىر ءۇشىنشى ازامات كولىك باسقارۋعا قۇقىلى. سوندىقتان بۇل نورمالاردىڭ قابىلدانۋى حالىقتىڭ ەداۋىر بولىگىن قامتيدى»، - دەگەن ەرلان قارين الەۋمەتتىك جەلى ارقىلى پرەزيدەنتتىڭ 2019-جىلعى 20- جەلتوقسانداعى ۇلتتىق كەڭەستىڭ ەكىنشى وتىرىسىندا سويلەگەن ءسوزىنىڭ ۆيدەوسىن جاريالادى.
ەسكە سالا كەتسەك كەشە ماجىلىستە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ جوباسى بويىنشا قورىتىندى ازىرلەيتىنى حابارلانعان بولاتىن.
«زاڭ جوباسى جۇرگىزۋشىنىڭ جۇرگىزۋشى كۋالىگى مەن قازاقستان رەسپۋبليكاسىندا بەرىلگەن كولىك قۇرالى تىركەۋ كۋالىگىن وزىمەن بىرگە الىپ ءجۇرۋدى مىندەتتەيتىن نورمانى بۇزعانى ءۇشىن اكىمشىلىك جاۋاپكەرشىلىكتى الىپ تاستاۋدى، سونداي-اق كولىك قۇرالدارىنىڭ كەيبىر تۇرلەرىن پايدالانۋ ءتارتىبىن رەتتەۋگە باعىتتالعان. كوميتەت اتالعان زاڭ جوباسىن جۇمىسقا الۋعا جانە ول بويىنشا 2021-جىلعى 26- قاراشاعا دەيىن قورىتىندى ازىرلەۋگە دايىن»، - دەدى ءماجىلىس دەپۋتاتى.