پاۆلودار قالاسى كارانتينگە جابىلىپ، ءۇش قالاعا اۋە قاتىناسى توقتايدى
كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ اقپاراتىنا سايكەس، پرەمەر-ءمينيستردىڭ ورىنباسارى ەرالى توعجانوۆ بۇگىن جۇمىس ساپارىمەن پاۆلودار وبلىسىنا باردى. جۇمىس ساپارى بارىسىندا مەديتسينالىق وبەكتىلەردىڭ كوروناۆيرۋس ينفەكتسياسىنىڭ ىقتيمال ەكىنشى تولقىنىنا دايىندىعى تەكسەرىلدى.
سونداي-اق ۆيتسە-پرەمەر وڭىردەگى ەپيدەميولوگيالىق جاعداي بويىنشا كەڭەس وتكىزدى. ە. توعجانوۆ اۋىلدىق جەرلەردە پ ت ر لابوراتوريالارىنىڭ جوقتىعىن ەسكەرە وتىرىپ، بۇل قىزمەت ءتۇرىنىڭ وبلىس تۇرعىندارىنا قولجەتىمدىلىگىن تەز ارادا شەشۋدى تاپسىردى.
سونىمەن قاتار، قازان ايىندا وبلىستا covid-19 فاكتىلەرى ءۇش ەسەگە وسكەنىن اتاپ كورسەتىپ، پاۆلودار، ەكىباستۇز جانە اقسۋ قالالارىنداعى ەپيدەميولوگيالىق جاعدايدى تۇراقتاندىرۋ قاجەتتىگىنە ەرەكشە نازار اۋداردى.
ۆەدومستۆوارالىق كوميسسيانىڭ ءتوراعاسى بيىلعى 9- قاراشادان باستاپ پاۆلودار وبلىسىندا ءبىرقاتار شەكتەۋ شارالارىن قابىلداۋدى تاپسىردى:
- پاۆلودار قالاسىنىڭ پەريمەترى بويىنشا بلوكپوستتار ورناتۋدى؛
- كۇن سايىنعى ءوسىمى 10 نان استام جاعدايدى قۇرايتىن ەلدى مەكەندەردە سانيتارلىق بلوكپوستتار ورناتۋدى؛
- كەلەسى باعىتتار بويىنشا اۋە قاتىناسىن قىسقارتۋدى:
پاۆلودار-الماتى اپتاسىنا 10 نان 5 رەيسكە دەيىن؛
پاۆلودار- نۇر-سۇلتان 3 رەيستەن 1 رەيسكە دەيىن؛
پاۆلودار-شىمكەنت اپتاسىنا 2 دەن 1 رەيسكە دەيىن؛
- پاۆلودار-الماتى باعىتى بويىنشا تەمىرجول تاسىمالدارىن اپتاسىنا 7 دەن 3 رەتكە دەيىن قىسقارتۋدى؛
- جولاۋشىلار تەمىرجول قۇرامدارىنىڭ وبلىس ىشىندە ايالداۋىنا (وبلىس اكىمدىگى بەلگىلەگەن جەرلەردى قوسپاعاندا) تىيىم سالۋدى؛
- ءدىني وبەكتىلەردىڭ، تەاترلاردىڭ، كينوتەاترلاردىڭ، مادەنيەت وبەكتىلەرىنىڭ قىزمەتىن توقتاتا تۇرۋدى؛
- قوعامدىق تاماقتانۋ وبەكتىلەرىنىڭ جۇمىسىن ساعات 20:00 گە دەيىن شەكتەۋدى؛
- وفلاين رەجيمدە كەڭەستەر وتكىزۋگە تىيىم سالۋدى؛
- قىزمەتكەرلەردىڭ كەمىندە � ىن قاشىقتىقتان جۇمىس ىستەۋ رەجيمىنە كوشىرۋدى؛
- 65 جاستان اسقان ادامدارعا ازىق-تۇلىكتى، ءبىرىنشى كەزەكتە قاجەتتى تاۋارلاردى، ءدارى-دارمەكتەردى جانە مەديتسينالىق بۇيىمداردى ساتىپ الۋ جاعدايلارىن قوسپاعاندا، اسا قاجەتتىلىكسىز تۇرعىلىقتى جەرىنەن شىقپاۋدى ۇسىنۋدى؛
دەمالىس جانە مەرەكە كۇندەرى:
- قوعامدىق كولىكتىڭ (ترامۆايلار، اۆتوبۋستار، مارشرۋتتىق تاكسيلەر) جۇمىسىن توقتاتا تۇرۋدى؛
- جابىق جانە اشىق ازىق-تۇلىكتىك ەمەس جانە ازىق-تۇلىك بازارلارىنىڭ جۇمىسىن توقتاتا تۇرۋدى؛
- مونشالاردىڭ، ساۋنالاردىڭ جۇمىسىن توقتاتا تۇرۋدى؛
- قوعامدىق تاماقتانۋ وبەكتىلەرىنىڭ جۇمىسىن تەك تاپسىرىس بەرۋشىگە جەتكىزۋ فورماتىنا كوشىرۋدى تاپسىردى.
«سونداي-اق، ءوڭىر باسشىلىعىنا كارانتيندىك رەجيمدى ساقتاۋ بويىنشا مونيتورينگتىك توپتاردىڭ قىزمەتىن كۇشەيتۋ، تۇرعىندار اراسىندا كارانتيندىك رەجيمدى مۇلتىكسىز ساقتاۋ قاجەتتىلىگى تۋرالى اقپاراتتىق-ءتۇسىندىرۋ جۇمىستارىن جۇرگىزۋ تاپسىرىلدى. وڭىردەگى ەپيدەميولوگيالىق جاعداي ۇكىمەتتىڭ تۇراقتى باقىلاۋىندا»، - دەلىنگەن اقپاراتتا.