قازاقستاندا كولىك قۇجاتتارىن باسقارۋدىڭ ءبىرىڭعاي جۇيەسى ازىرلەنەدى
بۇل تۋرالى بۇگىن ءماجىلىستىڭ جالپى ق ر ۇلتتىق ەكونوميكا ءمينيسترى رۋسلان دالەنوۆ ايتتى، دەپ حابارلايدى قازاقپارات ءتىلشىسى.
ءمينيستردىڭ اتاپ وتۋىنشە، مۇنداي شارا «ق ر-نىڭ كەيبىر زاڭنامالىق اكتىلەرىنە ەكونوميكالىق ءوسۋدى قالپىنا كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا كوزدەلگەن.
«سيفرلاندىرۋ بويىنشا زاڭنامالىق دەڭگەيدە جاساندى ينتەللەكتىنىڭ ۇلتتىق پلاتفورماسىن قالىپتاستىرۋعا جاعداي جاسايتىن تۇزەتۋلەردى بەكىتۋ ۇسىنىلادى. اۆتوموبيل كولىگى سالاسىندا زياتكەرلىك كولىك جۇيەسىن دامىتۋ، تاسىمالداۋشىلار ءۇشىن رۇقسات بلانكىلەرىن بەرۋ پروتسەسىن اۆتوماتتاندىرۋ، ەلدەر اراسىنداعى قاتىناستار ترانزيتىن مونيتورينگىلەۋ ءۇشىن اقپاراتتىق بازا قۇرۋ بويىنشا تۇزەتۋلەر كوزدەلەدى. بۇل كولىك قۇجاتتارىن باسقارۋدىڭ ءبىرىڭعاي جۇيەسىن ەنگىزۋگە مۇمكىندىك بەرەدى»، - دەدى رۋسلان دالەنوۆ.
سونداي-اق، ونىڭ ايتۋىنشا، زاڭ جوباسىندا دەربەس دەرەكتەردى جيناۋمەن، وڭدەۋمەن جانە قورعاۋمەن بايلانىستى تۇزەتۋلەر ۇسىنىلادى.