3 - قاراشا - ەلدەگى پرەزيدەنت سايلاۋىنىڭ شەشۋشى كۇنى. الايدا داۋىس بەرۋشىلەردىڭ كوبى، شامامەن 100 ميلليون ادام، داۋىستارىن پوشتا ارقىلى جولداپ الدىن الا داۋىس بەرىپ قويعان، دەپ حابارلايدى euronews.com.
رەسپۋبليكالىق پارتيا اتىنان سايلاۋعا ءتۇسىپ جاتقان كانديدات جانە قازىرگى ەل پرەزيدەنتى دونالد ترامپ ۆيرگينيا شتاتىنداعى سايلاۋالدى كومپانياسىن اياقتاپ، ءوزىنىڭ سايلاۋ شتابىنىڭ جۇزگە تارتا مۇشەسىن اق ءۇيدىڭ شىعىس جاق بولمەسىنە شاقىرعان. وندا ولار 4 -قاراشا كۇنى تۇندە شىعاتىن سايلاۋدىڭ الدىن الا ناتيجەلەرىن بىرگە كۇتپەك.
دونالد ترامپ تۆيتتەردە Village People ديسكو- توبىنىڭ مۋزىكاسىن قويىپ، ءوز جاقتاستارىن داۋىس بەرۋگە شاقىردى. دەموكراتيالىق پارتيا اتىنان سايلاۋعا ءتۇسىپ جاتقان كانديدات دجو بايدەن دە وسىنداي ۇندەۋ تاستاعان، تەك مۋزىكاسىز. ول ءوزىنىڭ سايلاۋالدى تۋرىن پەنسيلۆانيادا اياقتادى. نۇر- سۇلتان ۋاقىتىمەن تاڭعى 6 دا شىعىس شتاتتارداعى سايلاۋ ۋچاسكەلەرى داۋىستى ساناۋ ءۇشىن جابىلادى. ەڭ سوڭعى بولىپ، وسىدان 6 ساعات وتكەن سوڭ، الياسكاداعى سايلاۋ ۋچاسكەلەرى جابىلادى. الدىن الا داۋىس بەرگەن جۇرتتىڭ قاراسى كوپ بولعاندىعىنا بايلانىستى سايلاۋ ۋچاسكەلەرىندەگى ساۋالنامانىڭ مالىمەتى سايلاۋ قورىتىندىسىنداعى مالىمەتپەن ساي بولماۋى مۇمكىن.