جول اپاتىنىڭ ۆيدەوسى الەۋمەتتىك جەلىدە تارالدى. ۆيدەودا جۇك كولىگى ناۋاي كوشەسىمەن جۇيتكىپ كەلە جاتىپ، جول جولىندا تۇرعان ترانسفورماتور مەن بىرنەشە كولىكتى قاعىپ كەتتى. قاتتى سوققىدان جۇك كولىگى بىرنەشە بولشەككە شاشىلىپ قالدى. الدىن الا مالىمەت بويىنشا جۇك كولىگىنىڭ تەجەگىشى ۇستاماي قالعان.
«ول ناۋاي كوشەسىمەن تومەن ءتۇسىپ كەلە جاتىپ، ايالدامانى قاعىپ، بىرنەشە كولىكتى، ترانسفورماتوردى سۇيرەپ كەتتى. ودان ارى كوتتەدجدەر جاققا بارىپ شاشىلىپ قالدى»، - دەدى كۋاگەرلەر. قالالىق پ د جول اپاتىنىڭ ءمان-جايىن انىقتاپ جاتىر.
جول اپاتى بوستاندىق اۋدانىندا كۇندىزگى 12:00-دە بولعان.
«Shacman كولىگىن تىزگىندەگەن 47 جاستاعى ەر ادام دۋلاتي كوشەسىمەن سولتۇستىك باعىتقا كەلە جاتىپ نابەرەجنايا كوشەسىمەن قيىلىستا Nissan Maxima كولىگىمەن سوقتىعىسقان. سوعىلعان سوڭ دا جۇك كولىگى جۇيتكىگەن جىلدامدىعىن تۇسىرمەگەن. سودان كەيىن جۇك كولىگى شىعىس جاقتاعى جول شەتىنە شىعىپ كەتكەن. سول قارقىنمەن ايالداماداعى جارناما قالقانىن، ترانسفورماتورلىق قوسالقى ستانسانى، جول شەتىندەگى ۇيلەردىڭ قورشاۋىن قيراتقان. قورشاۋ اۋلاداعى Toyota Land Cruiser كولىگىنىڭ ۇستىنە قۇلاعان. بۇدان سوڭ Nissan Maxima كولىگى قاراما قارسى بەتكە شىعىپ كەتىپ، Audi كولىگىنە سوعىلعان»، - دەدى پ د باسپا ءسوز قىزمەتىنەن.
جول اپاتىنا بايلانىستى پ د ءتيىستى ساراپتامالار تاعايىندادى. سوققىدان جۇك كولىگىنىڭ جۇرگىزۋشىسى مەن Nissan Maxima جۇرگىزۋشىسى جاراقات الدى. اپاتقا ۇشىراعان كاماز جۇرگىزۋشىسى امان قالدى.