كوروناۆيرۋس ەرلەرگە قاۋىپتى مە، الدە ايەلدەرگە مە؟

The Wall Street Journal گازەتىنىڭ اۆتورلارى ءارتۇرلى ستاتيستيكالىق مالىمەتتەردى تالداپ، وسىنداي قورىتىندىعا كەلدى.

سونىمەن، ا ق ش-تاعى COVID-19 ءولىم-ءجىتىمى تۋرالى مالىمەتتەر بارلىق ءولىمنىڭ 54 پايىزىن ەر ادامدار قۇرايتىنىن كورسەتتى. بۇل رەتتە، 30 جاستان 60 جاسقا دەيىنگى توپتا كورسەتكىش 66 پايىزعا دەيىن ارتادى.

ەۋروپالىق اۋرۋدىڭ الدىن الۋ جانە باقىلاۋ ورتالىعى كوروناۆيرۋستىڭ ەر ادامدار ءۇشىن قاۋىپتى ەكەنىمەن كەلىسەدى. 40 پەن 69 جاس ارالىعىندا قايتىس بولعانداردىڭ 73 پايىزى - ەر ادامدار. سونىمەن قاتار، ولار وسى توپتاعى اۋرۋحاناعا تۇسكەندەردىڭ 62 پايىزىن جانە اۋىر ناۋقاستاردىڭ تورتتەن ءۇشىن قۇرايدى.

183 ەلدىڭ ستاتيستيكاسىن قامتيتىن لوندون ۋنيۆەرسيتەتىنىڭ كوللەدجىنىڭ «جىنىس، گەندەو جانە COVID-19» مالىمەتتەر بازاسىندا كورسەتىلگەندەي، ەرلەر اراسىندا كوروناۆيرۋس ينفەكسياسىنىڭ 11 جاعدايى ايەلدەر اراسىنداعى ون جاعدايعا تەڭ. COVID-19-دان بولعان ءولىم بويىنشا بۇل قاتىناس 14 تەن 10 عا دەيىن جەتەدى.