« ا م ءو ز» ج ش س ەكولوگيا ءبولىمىنىڭ ماماندارىنىڭ مالىمەتىنشە، 1-قاراشادا ساعات 16.00 دە ەلەكتر ەنەرگياسىن بەرۋ جۇمىستارىنىڭ اقاۋى سەبەبىنەن اعىندى سۋلاردى بيولوگيالىق تازارتۋ بلوگى تۇندىرعىشىنىڭ شلامىن رەتسيركۋلياتسيالاۋ سورعىسى توقتاتىلعان. «وسىعان بايلانىستى تۇندىرعىشتىڭ قۇم سۇزگىسىنە شىعۋ نۇكتەسىندە قالقىما جانە ورگانيكالىق زاتتار (بيوشلام) كونتسەنتراتسياسىنىڭ ارتۋى ورىن الدى. وسى ۋاقىتتا قۇم سۇزگى بلوگىندا جوندەۋ جۇمىستارى جۇرگىزىلدى. بۇل بلوك تەحنولوگيالىق سۇلباسىنان ۋاقىتشا اجىراتىلدى. وسىنىڭ سالدارىنان زاۋىتتىڭ بيولوگيالىق تازارتۋ قۇرىلعىلارىنان ولشەنگەن جانە ورگانيكالىق زاتتارى بار سارقىندى سۋ نورماتيۆتىك- تازارتىلعان سارقىندى سۋلار ارناسىنا اعىزىلدى»، - دەپ حابارلادى ونلاين- كونفەرەنتسيادا كاسىپورىننىڭ ماماندارى.
بيولوگيالىق تازارتۋ قۇرىلعىلارىنداعى اقاۋ 1-قاراشادا ساعات 23.00 دە قالپىنا كەلتىرىلگەن. سونداي- اق، ءنورماتيۆتى تازارتىلعان اعىندى سۋلاردىڭ ارناسىندا بيوشلامنىڭ بۋلانۋ ورىستەرىنە ودان ءارى ەنۋىنە جول بەرمەيتىن توسقاۋىلدار ورناتىلعان. بيوشلام كانالدان ۆاكۋۋمدىق ماشينالارمەن سورىلىپ، زاۋىتقا كەرى قايتارىلادى. قازىر ا م ءو ز- دە ەلەكتر ەنەرگياسىن جەتكىزۋ كەزىندە ورىن العان اقاۋدىڭ سەبەپتەرى مەن ءمان- جايىن تەكسەرۋ جونىندەگى كوميسسيا قۇرىلعان.
ەسكە سالا كەتەلىك، بۇدان بۇرىن اتىراۋ مۇناي وڭدەۋ زاۋىتىنىڭ بيولوگيالىق تازارتۋ قۇرىلعىسىنان اقاۋ شىققانىن، كاسىپورىننىڭ زياندى قالدىقتى تابيعاتقا تاستاعانىن حابارلاعان بولاتىنبىز.