زارداپ شەككەن 3 ادام جەدەل تۇردە اۋرۋحاناعا جەتكىزىلىپ، ءتيىستى مەديتسينالىق كومەك كورسەتىلگەن. بۇل تۋرالى «وڭىرلىك كوممۋنيكاتسيا قىزمەتىنىڭ الاڭىندا» وتكەن بريفينگتە وبلىستىق ت ج د باستىعىنىڭ مىندەتىن اتقارۋشى، پولكوۆنيك ماقسات قوسىبايەۆ ءمالىم ەتتى.
ول وڭىردەگى تۇرعىن ءۇي سەكتورىندا ورتتەردىڭ جانە ۋلى گازبەن ۋلانۋ جاعدايلارىنىڭ الدىن الۋ جۇمىستارىنىڭ جۇرگىزىلۋى، ساقتىق شارالارىن ۇستانۋ بارىسى حاقىندا ايتتى. الدىن الا مالىمەتتەر بويىنشا، مەركىدەگى قايعىلى وقيعا تابيعي گازداعى پەشتىڭ تۇتىندىگىن ورناتۋ ەرەجەلەرىن ساقتاماۋدان بولعان. بۇگىن وبلىس اكىمىنىڭ تاپسىرماسىمەن وقيعانىڭ ءمان- جايىن انىقتاۋ ءۇشىن قۇرامىندا جامبىل وبلىسى ت ج دەپارتامەنتىنىڭ، مەركى اۋدانى اكىمدىگىنىڭ جانە گاز كوممۋنالدىق كاسىپورنىنىڭ وكىلدەرى كىرەتىن ارنايى كوميسسيا قۇرىلدى.
«اتالعان تۇرعىن ۇيدە ۇگىت- پروفيلاكتيكالىق جۇمىس جۇرگىزىلگەن. بيىلعى جىلدىڭ 15 - قىركۇيەگىندە گاز جانە ەلەكتر اسپاپتارىن پايدالانۋ كەزىندە تۇرمىستا ءورت قاۋىپسىزدىگى تالاپتارىن ساقتاۋ تۋرالى جادىناما تاراتىلعان بولاتىن. اعىمداعى جىلدىڭ 17 - تامىزى مەن 17 - قىركۇيەگى ارالىعىندا وتكىزىلگەن تۇرعىن ءۇي سەكتورىندا ءورت قاۋىپسىزدىگى ايلىعىن وتكىزۋ جوسپارىنا سايكەس دەپارتامەنت قىزمەتكەرلەرى «قاز ترانس گاز ايماق» ا ق ج پ ق وكىلدەرىمەن، ۆولونتەرلەرمەن، ج پ ق بىرلەسىپ مەركى اۋدانىنىڭ پلودوۆوياگودنوە اۋىلىندا ءورتتىڭ الدىن الۋ جانە حالىقتى ءورت قاۋىپسىزدىگى شارالارىنا وقىتۋ بويىنشا ۇگىت- ناسيحات جۇمىستارىن جۇرگىزدى»، - دەدى وبلىستىق ت ج د باستىعىنىڭ مىندەتىن اتقارۋشى ، پولكوۆنيك ماقسات قوسىبايەۆ.
جالپى، جامبىل وبلىسىندا 1 - قازانعا دەيىن جاۋاپتى مەكەمە تاراپىنان تۇرعىن ۇيلەرگە پروفيلاكتيكالىق جۇمىس جۇرگىزىلگەن. ناتيجەسىندە 2167 ۇيدە 2863 ءورت قاۋىپسىزدىگى تالاپتارىنىڭ بۇزۋشىلىقتارى انىقتالىپ، 743 ۇيدە كەمشىلىكتەر تولىعىمەن جويىلعان. قازىرگى ۋاقىتتا گازدان ۋلانىپ، جانساقتاۋ بولىمىنە جاتقىزىلعان 3 ادامنىڭ بىرەۋى پالاتاعا اۋىستىرىلىپ، ەكىنشىسى وبلىستىق بالالار اۋرۋحاناسىنا جەتكىزىلدى.
اۆتور: سايا سەمباي