ءمالىم ەتىلگەندەي، جىل باسىنان بەرى قالالىق ساۋلەت، قالا قۇرىلىسى جانە جەر قاتىناستارى باسقارماسى ۇلەسكەرلەردىڭ اقشاسىن تارتۋ ارقىلى تۇرعىن ءۇي سالۋعا 21 رۇقساتتاما بەرگەن. رۇقساتتاما العان كومپانيالار تۋرالى جاڭا مالىمەتتى باسقارمانىڭ سايتىنان كورۋگە بولادى.
«11 قۇرىلىس كومپانياسى كوپقاباتتى ءۇيدىڭ قاڭقاسى سالىنعاننان كەيىن ۇلەسكەرلەردەن اقشا جيناۋعا رۇقسات الدى. ال 10 كومپانيا - ەكىنشى دەڭگەيلى بانك جوباسىنا قاتىسۋ بويىنشا»، - دەدى ەلوردا اكىمدىگىنەن.
ەسكە سالا كەتەيىك، «تۇرعىن ءۇي قۇرىلىسىنا ورتاق قاتىسۋ تۋرالى» ق ر زاڭىنا سايكەس ۇلەستىك قاتىسۋ كەلەسى تاسىلدەردىڭ بىرىمەن ۇيىمداستىرىلادى: 1. كەپىلدىك بەرۋ قورىنىڭ كەپىلدىگىن الۋ 2. ەكىنشى دەڭگەيلى بانك جوباسىنا قاتىسۋ 3. تۇرعىن ءۇيدىڭ قاڭقاسىن تۇرعىزعاننان كەيىن ۇلەسكەرلەردەن اقشا جيناۋ. ۇلەستىك قۇرىلىستىڭ الەۋەتتى قاتىسۋشىسى (ساتىپ الۋشىسى) ۇلەسكەرلەردەن قاراجات تارتۋعا ارنالعان رۇقساتتاردىڭ بولۋىن تەكسەرۋگە جانە ساۋلەت، قالا قۇرىلىسى جانە جەر قاتىناستارى باسقارماسىمەن كەڭەسۋگە قۇقىلى.
اۆتور: اياۋلىم التىنبەك