قازاقستاندا ءدىني باعىتتا «حالىق ارنا» تەلەارناسى اشىلادى
«قازاقستان مۇسىلماندارى ءدىني باسقارماسىنىڭ قۇرىلعانىنا 30 جىل تولۋىنا وراي كوپتەگەن يگى شارالار ۇيىمداستىرىلدى. پاندەميا كەزىندە ءمۇفتيات قايىرىمدىلىق باعىتتا ءبىرقاتار شارالار اتقاردى. سونىمەن قاتار كارانتين كەزىندە ونلاين ناسيحات جۇمىستارىنىڭ ماڭىزى ارتتى. دەگەنمەن اقپارات عاسىرىندا جاڭا تەحنولوگيانى يگەرىپ، ناسيحات جۇرگىزۋ مەن اقپارات تاراتۋدىڭ تەلەۆيزيالىق ءتاسىلىن وزىمىزدەن باسقارۋدى ۇيعاردىق. وسىعان وراي ق م د ب جانىنان رەسپۋبليكالىق «حالىق ارنا» اتتى ءتول تەلەارنامىزدى اشقالى وتىرمىز»، - دەلىنگەن ءدىني باسقارما تاراتقان اقپاراتتا. قازىرگى تاڭدا ارناعا قاجەتتى كونتەنتتى جيناقتاۋ جۇمىسى اياقتالدى. ءدىني باعىتتاعى باعدارلامالار، سۇحباتتار، سيۋجەتتەر مەن بەينە-روليكتەردىڭ باسىم بولىگى ق م د ب- نىڭ باس كەڭسەسىندە تۇسىرىلەدى. ارنانى «وتاۋ ت ۆ» مەن «الما ت ۆ» كابەلدىك جەلىلەرىنەن كورۋگە بولادى. ەرتەڭ، 3-قاراشا كۇنى وتەتىن تەلەارنانىڭ اشىلۋىنا ق م د ب ءتوراعاسى، باس ءمۇفتي ناۋرىزباي قاجى تاعان ۇلى، ەلگە بەلگىلى قوعام قايراتكەرلەرى قاتىسادى.
اۆتور: مارلان جيەمباي