اقمولالىق جەتكىنشەك ەرەكشە كۇتىمدەگى بالالارعا ارنالعان رەسپۋبليكالىق فەستيۆالدە «كۇمىس» الدى
ق ر ءبىلىم جانە عىلىم مينيسترلىگىنىڭ «دارىن» رەسپۋبليكالىق عىلىمي-پراكتيكالىق ورتالىعى ەرەكشە ءبىلىم بەرىلۋىنە قاجەتتىلىگى بار بالالارعا ارنالعان «شەكاراسىز ءومىر» رەسپۋبليكالىق فەستيۆالىن قورىتىندىلادى.
وعان رەسپۋبليكانىڭ بارلىق وڭىرىنەن 101 قاتىسۋشى، سونداي-اق ءتورت توپتىق ۇجىم ءوتىنىش بىلدىرگەن بولاتىن.
بالالار كەلەسى نوميناتسيالار بويىنشا جارىستى: ۆوكالدىق ورىنداۋ - جەكە ءان ايتۋ، ۆوكالدىق ۇجىم، ىممەن ءان ايتۋ؛ بي ورىنداۋ، ونىڭ ىشىندە اربامەن بيلەۋ؛ كوركەم شىعارماشىلىق - كەسكىندەمە، پورترەت، گرافيكا، فوتوونەر، ساندىك-قولدانبالى شىعارماشىلىق؛ تەحنيكالىق ونەرتابىستار جانە كومپيۋتەرلىك ازىرلەمەلەر، روبوتوتەحنيكا. رەسپۋبليكالىق بايقاۋدىڭ قورىتىندىسى بويىنشا «كومپيۋتەرلىك ازىرلەمەلەر، روبوتوتەحنيكا» نوميناتسياسى بويىنشا جاقسى اۋدانىنىڭ زاپوروجە اۋىلىنان كەلگەن 15 جاستاعى مەدەت سەرىكپايەۆ ەكىنشى ورىنعا يە بولدى.
«نەمەرەمىز مەدەتتىڭ رەسپۋبليكالىق دەڭگەيدەگى بايقاۋدىڭ كۇمىس جۇلدەگەرى اتانعانىنا وتە قۋانىشتىمىز. ۇيىمداستىرۋشىلار مەن مەدەتتىڭ مۇعالىمدەرىنە العىس بىلدىرەمىن. سوڭعى ۋاقىتتا مەملەكەت ەرەكشە ءبىلىم بەرۋ قاجەتتىلىكتەرى بار بالالارعا باسا نازار اۋدارۋدا. ءبىز ناتيجەسىن كورىپ جاتىرمىز. بالالارىمىزدىڭ دامۋى كەرەك»، - دەيدى بالانىڭ اجەسى.
«مەدەت وعان پلانشەت ساتىپ اپەرگەننەن باستاپ كومپيۋتەرلىك تەحنولوگيالارعا قىزىعۋشىلىق تانىتتى. سونداي-اق جاقسى اۋدانىنىڭ ءبىلىم ءبولىمى ءۇش جىل بۇرىن بالاعا كومپيۋتەر اپەرىپ، ينتەرنەت وتكىزگەن بولاتىن. تەحنيكانىڭ ارقاسىندا ول ەندى دوستارىمەن تىلدەسىپ، جاڭا نارسەلەردى ۇيرەنە الادى»، - دەپ اتاپ ءوتتى ۆەدومستۆودا.
فەستيۆالگە اقمولا وبلىسىنان وبلىستىق كەزەڭنىڭ التى جەڭىمپازى قاتىستى.