بۇل ەرەجەلەر 6-10 - قاراشا ارالىعىندا كۇشىنە ەنەدى. ق ح ر- دىڭ ا ق ش، ۇلى بريتانيا، فرانسيا، يتاليا، پولشا جانە باسقا دا ءبىرقاتار ەۋروپا ەلدەرىندەگى ەلشىلىكتەرى قىتايعا ۇشاتىن جولاۋشىلار ۇشار الدىندا كوروناۆيرۋسقا نۋكلەين قىشقىلىن انىقتاۋعا ارنالعان تەستكە قوسىمشا تەرىس انتيدەنەلەر سىناعىن ۇسىنۋى كەرەك دەگەن مالىمدەمەلەر جاريالادى.
قىتاي ازاماتتارى مەن ق ح ر- عا باراتىن شەتەلدىكتەر ۇشۋدان 48 ساعات بۇرىن انتيدەنەلەرگە سىناق تاپسىرۋى كەرەك. تەستىلەۋ ق ح ر- دىڭ شەتەلدەگى ەلشىلىكتەرى بەكىتكەن مەكەمەلەردە وتكىزىلۋى ءتيىس. قىتايعا ۇشاتىن رەيستەرمەن باراتىن جولاۋشىلار ترانزيتتىك ەلدەردە انتيدەنەلەردى قايتا تەكسەرىپ، كوروناۆيرۋستىڭ نۋكلەين قىشقىلىن انىقتاۋعا مىندەتتى.
اۆتورى رۋسلان سۇلەيمەنوۆ