ابايدىڭ «قارا سوزدەرى» تاعى ءبىر شەت تىلىنە اۋدارىلدى
ءىس- شاراعا قازاقستان مەن چەحيانىڭ بەلگىلى قوعام قايراتكەرلەرى، عىلىمي توپتارى مەن بۇقارالىق اقپارات قۇرالدارىنىڭ وكىلدەرى قاتىستى.
قازاقستاندىق ديپلوماتتار بۇگىندە قازاقستان تاۋەلسىزدىكتىڭ 30 جىلدىعى قارساڭىندا تۇرعان كەزدە ۇلى ابايدىڭ سوزدەرى ەرەكشە مانگە يە بولاتىنىن اتاپ ءوتتى.
چەحيانىڭ «ازيا دوستارى توبىنىڭ» جەتەكشىسى، پروفەسسور، فيلوسوفيا عىلىمدارىنىڭ دوكتورى يرجي شيما كىتاپتىڭ جارىق كورۋى چەح جۇرتشىلىعىنا الەمدىك ادەبيەتتىڭ دامۋى مەن قالىپتاسۋىنا ولشەۋسىز ۇلەس قوسقان دارا اقىنىنىڭ شىعارماشىلىعىمەن تانىسۋعا مۇمكىندىك بەرەتىنىنە سەنىم ءبىلدىردى.
كارلوۆ ۋنيۆەرسيتەتىنىڭ پروفەسسورى توماش كۋچەرا ءوز سوزىندە: «قازاقتىڭ ويشىلى جانە اقىنى اباي قۇنانباي ۇلىنىڭ كىتابى تەڭدەسى جوق باسىلىم. ول چەح وقىرماندارىنا قازاق حالقىنىڭ تاريحى مەن ءداستۇرىن تەرەڭىرەك تۇسىنۋگە مۇمكىندىك بەرەتىنىنە جانە ءبىزدىڭ مادەنيەتتەرىمىزدى جاقىنداستىراتىنىنا كامىل سەنەمىز ءسوزسىز».
چەح بۇقارالىق اقپارات قۇرالدارى وكىلدەرىنىڭ سوزدەرى دە قىزىعۋشىلىقپەن تىڭدالدى.
قازاقستاندىق تاراپتان پرەزەنتاتسياعا بەينە بايلانىس ارقىلى «قازاقستان جازۋشىلار وداعىنىڭ» ءتوراعاسى، اقىن ۇلىقبەك ەسداۋلەت، قر ەڭبەگى سىڭگەن قايراتكەرى، م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان مامىتجانوۆ، قر ۇلتتىق اكادەميالىق كىتاپحاناسىنىڭ باس ديرەكتورىنىڭ ورىنباسارى ءاليا قوجابەكوۆا قاتىستى.
چەح تىلىنە اۋدارىلعان ابايدىڭ «قارا سوزدەرىن» قازاقستان ەلشىلىگى پراگاداعى ءبىلىم بەرۋ مەكەمەلەرىنىڭ كىتاپحانا قورلارىنا جىبەرەدى.