گالاكتيكالاردىڭ قاقتىعىسۋى – 5 عالامداعى ەڭ قيىن قۇبىلىس. «سان جەتپەس» جۇلدىز سوقتىعىسقان وتە ۇلكەن قارا قۇردىمداردى اينالا ۇشىپ، ءبىر- بىرىنە قوسىلادى. ال گازدى تۇماندىقتار سپيرال تەكتەس فورمادا جينالىپ، مىڭداعان جاڭا جارىق شاشاتىن جۇلدىزدارعا اينالادى. بۇل قۇبىلىس ميللياردتاعان جىلعا سوزىلادى.
چيليدە ورنالاسقان ALMA تەلەسكوبى ءۇش جىل بۇرىن ەكى گالاكتيكانىڭ سوقتىعىسقانىن انىقتاعان. بۇل بۇگىندە ادامزاتقا بەلگىلى ەڭ ءىرى قاقتىعىس. ADFS-27 دەگەن ەكى گالاكتيكا دا وتە ۇلكەن جانە جارىق. ولار جەردەن 12,7 ميلليارد جارىق جىلىنداي قاشىقتا ورنالاسقان. بۇدان ولاردىڭ عالامداعى ەڭ كونە گالاكتيكا ەكەنىن اڭعارۋعا بولادى.
عالىمدار ادەتتە جالعىز گالاكتيكانى جىلداپ ىزدەيدى. ال alma تەلەسكوبى بىردەن ەكى گالاكتيكانى تاپتى. جەر مەن بۇل قوس گالاكتيكانىڭ ارا قاشىقتىعىنىڭ الشاق ەكەنىن، وعان قوسا ءارقايسى جاڭا جۇلدىز جاساپ جاتقانىن ەسكەرسەك، بۇل ادامزات ءۇشىن وتە ماڭىزدى قۇبىلىس.
سونىمەن قاتار، جاڭا جۇلدىزداردىڭ ءتۇزىلۋ جىلدامدىعى وتە تەز بولۋى ADFS-27- ءنى وزگە گالاكتيكالاردان ەرەكشەلەپ تۇر. قۇس جولىنان ون ەسە ۇلكەن گالاكتيكالار ودان مىڭ ەسە تەز جىلدامدىقپەن جۇلدىزداردى ءتۇزۋ ۇستىندە.
massaget.kz