وسى ورايدا بۇگىندە ەلىمىزدە قاۋىپسىزدىك شارالارىن كۇشەيتۋ، كارانتين تالاپتارىن قاتاڭداتۋ ءىسى قولعا الىنا باستادى. سونداي-اق ىندەتكە قارسى ءدارى-دارمەك قورى جينالىپ جاتىر، دەپ حابارلايدى قازاقپارات ءتىلشىسى.
«بۇرىن ءدارى-دارمەكتى جەتكىزۋ اۋەحابى ارقىلى 2 اپتاعا دەيىن ۋاقىت الاتىن، بۇگىندە جەتكىزۋ قىزمەتى جەدەلدەتىلدى. قازىر كەز كەلگەن قويماعا 1 كۇننىڭ ىشىندە جەتكىزۋ مۇمكىندىگى بار. ەلورداداعى قويمادا 4 ميلليارد تەڭگەنىڭ ءدارى-دارمەگى بار، ونىڭ ىشىندە 400 ميلليون تەڭگەنىڭ پرەپاراتى ول كوروناۆيرۋس دەرتىنە ارنالعان. قازىرگى ۋاقىتتا مەديتسينالىق ۇيىمدار 0 قامتاماسىز ەتىلىپ وتىر. بىزگە مەديتسينالىق ۇيىمداردى 1 ايلىق ءدارى-دارمەك قورىمەن قامتاماسىز ەتۋ تاپسىرىلدى. سول ءۇشىن دە كۇن سايىن ءدارى-دارمەك قورى جاڭارتىلىپ وتىرادى»، - دەدى «س ق-فارماتسيا» ج ش س- نىڭ باسقارما ءتوراعاسى ەرحات ەسقاليەۆ اتالعان ۇيىمدا وتكەن رەيد بارىسىندا. ونىڭ ايتۋىنشا، بۇگىندە ساتىپ الىنعان ءدارى-دارمەكتىڭ ` ەلدەگى 4 حابقا تاراتىلدى.
«ءبىز ءدارى-دارمەكتەردى بارلىق وڭىرلەرگە بىردەن تاراتىپ جىبەرە المايمىز. سەبەبى وڭىرلەردەگى قويمالاردىڭ اۋماعى 300 شارشى مەتردى قۇرايدى، بۇل دەگەنىمىز بار جوعى 2 جۇك كولىك ءدارى-دارمەك. ال كەيبىر وڭىرلەردە ءدارى-دارمەكتى ساقتايتىن قويما جوق، سوندىقتان دا جۇك كولىكتەرى مەديتسينالىق ۇيىمدارعا تىكەلەي جەتكىزىپ بەرەدى. بۇگىندە مەديتسينالىق ۇيىمداردىڭ سۇرانىسىن وتەۋدەن بولەك، ءبىزدىڭ قويمادا 2 ايعا جەتەتىن ءدارى-دارمەك قورى بار. وڭىرلەرگە جۇك كولىكتەرى تىنىم تاپپاي كۇندەلىكتى جەتكىزىپ وتىر»، - دەدى ول.
اتالعان مەكەمەنىڭ رەسمي دەرەگىنە سۇيەنسەك، قازىرگى ۋاقىتتا COVID-19 ىندەتىنە ارنالعان 8,2 ميلليارد تەڭگەنى قۇرايتىن 44 اتاۋلى ءدارى-دارمەك ساتىپ الىنۋدا.
ايتا كەتسەك، انتيكور قىزمەتكەرلەرى قوعام بەلسەندىلەرىمەن بىرگە ەلورداداعى س ق فارماتسيا ج ش س قويماسىنداعى ءدارى-دارمەك قورىنا قاتىستى مونيتورينگ جۇرگىزدى.