قازاقستاندىق دەپۋتاتتار ءوز ارىپتەستەرىن ءبىر مينۋت ۇنسىزدىكپەن ەسكە الدى

نۇر-سۇلتان. قازاقپارات - بۇگىن ءماجىلىس دەپۋتاتتارى جالپى وتىرىستا قايتىس بولعان گلەب شەگەلسكيدى ءبىر مينۋت ۇنسىزدىكپەن ەسكە الدى، دەپ حابارلايدى قازاقپارات.

17-قازان كۇنى ءماجىلىستىڭ V جانە VI شاقىرىلىم دەپۋتاتى گلەب شەگەلسكي جۇرەك تالماسىنان مەزگىلسىز قايتىس بولدى.

«گلەب اناتوليەۆيچ ءماجىلىستىڭ ەكولوگيا جانە تابيعات پايدالانۋ ماسەلەلەرى جونىندەگى كوميتەتىن باسقارا وتىرىپ، ءوزىنىڭ كۇش-جىگەرىن، ءبىلىمى مەن تاجىريبەسىن ەلىمىز بەن حالقىمىزدى يگىلىگىنە باعىتتاعان ەدى. ول وسى جىلدارى ۇكىمەتپەن دە بەلسەندى جۇمىس ىستەدى. وسى ورايدا جاڭا ەكولوگيالىق كودەكستىڭ جوباسى بويىنشا ەلەۋلى قىزمەت ەتتى»، - دەدى ءماجىلىس ءتوراعاسى نۇرلان نىعماتۋلين.

جالپى وتىرىستىڭ باسىندا دەپۋتاتتار گلەب شەگەلسكيدى ءبىر مينۋت ۇنسىزدىكپەن ەسكە الدى. بۇدان بۇرىن حابارلانعانداي، قايعىلى جاعدايعا بايلانىستى ءماجىلىس سپيكەرى نۇرلان نىعماتۋللين مارقۇمنىڭ وتباسىنا، تۋىس-تۋعاندارى مەن جاقىندارىنا كوڭىل ايتقان بولاتىن.

اۆتور: رۋسلان عابباسوۆ