ءال- فارابي اتىنداعى مەملەكەتتىك سىيلىقتى بەرۋ جونىندەگى كوميسسيا قورىتىندى وتىرىسىن وتكىزدى
19:04, 20 - قازان 2020
نۇر- سۇلتان. قازاقپارات - بۇگىن ق ر مەملەكەتتىك حاتشىسى قىرىمبەك كوشەربايەۆتىڭ توراعالىعىمەن قازاقستان رەسپۋبليكاسىنىڭ ءال- فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ قورىتىندى وتىرىسى ءوتتى، دەپ حابارلايدى قازاقپارات اقورداعا سىلتەمە جاساپ.
ءال- فارابي اتىنداعى مەملەكەتتىك سىيلىق عىلىم مەن تەحنيكا قايراتكەرلەرىنىڭ قوعام مەن مەملەكەت الدىنداعى ەڭبەگىن جوعارى تانۋ بولىپ تابىلادى.
بيىل مەملەكەتتىك سىيلىقتى الۋ ءۇشىن بارلىعى 6 جۇمىس تۇسكەن. الدىن الا ىرىكتەۋدەن كەيىن ەكىنشى كەزەڭگە 3 جۇمىس ءوتتى. وتىرىس قورىتىندىسى بويىنشا كوميسسيا ءال- فارابي اتىنداعى مەملەكەتتىك سىيلىقتى بەرۋ ءۇشىن جۇمىس ءتىزىمىن بەكىتتى. كەلەسى كەزەڭدە 2020 -جىلعى قازاقستان رەسپۋبليكاسىنىڭ ءال- فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعىن بەرۋ تۋرالى قازاقستان رەسپۋبليكاسى پرەزيدەنتى جارلىعىنىڭ جوباسى ازىرلەنەتىن بولادى.