ەلىمىزدەگى ءبىلىم ساپاسى ەۋروپالىق ستاندارتتارمەن سايكەس كەلەدى - ق ر ب ع م
«2020 -جىلى قازاقستاننىڭ بولون پروتسەسىنە قادام باسقانىنا 10 جىل تولادى. بۇل قازاقستاننىڭ جوعارى ءبىلىمى ءۇشىن ماڭىزدى جانە تاريحي وقيعا. 2010 -جىلدان باستاپ ءبىز وسى باعىتتى دامىتۋعا تىرىستىق. قازاقستان بولون پروتسەسىنىڭ 47- مەملەكەت- قاتىسۋشىسى بولدى، سول كەزدە بارلىعى بۇل پروتسەستىڭ ەۋروپالىق ايماقتان اسىپ كەتەتىنىن ءتۇسىندى»، - دەيدى ميراس داۋلەنوۆ.
ۆيتسە- مينيستر بولون پروتسەسىنىڭ ماقساتى - بارلىق اكادەميالىق دارەجەلەر مەن باسقا دا بىلىكتىلىكتەر ەڭبەك نارىعىنا باعىتتالۋى كەرەك بولعاندىقتان، تۇلەكتەردىڭ ويداعىداي جۇمىسپەن قامتىلۋىن قامتاماسىز ەتۋ ەكەنىن اتاپ ءوتتى. تيىسىنشە، قازاقستاننىڭ جوعارى ءبىلىم بەرۋ جۇيەسىندە باكالاۆريات، ماگيستراتۋرا جانە PhD باعدارلامالارى ءۇشىن كادرلاردى دايارلاۋدىڭ ءۇش دەڭگەيلى مودەلى ەنگىزىلدى.
«ءبىلىم بەرۋ پروتسەسىنىڭ ۇزدىكسىزدىگى، ونىڭ دەڭگەيلەرىنىڭ ساباقتاستىعىن قامتاماسىز ەتۋ - قازاقستاننىڭ ءبىلىم بەرۋ ساياساتىنىڭ باستى قاعيدالارىنىڭ ءبىرى. ءبىرىنشى سيكل باعدارلاماسى ءساتتى اياقتالعاننان كەيىن ەكىنشى سيكل باعدارلاماسىنا، ال ەكىنشى سيكل اياقتالعاننان كەيىن ءۇشىنشى سيكل باعدارلاماسىنا قول جەتكىزۋگە بولادى. بارلىق ۋنيۆەرسيتەت نەسيەلىك ءبىلىم بەرۋ جۇيەسىنە كوشتى. 2018 -جىلدان باستاپ قازاقستاندىق نەسيە ECTS نەسيەسىمەن تەڭەستىرىلدى. وقۋ جۇكتەمەسىن اۋىستىرۋ كەزىندە بارلىق ۋنيۆەرسيتەتتەردە ECTS قولدانىلادى. ءبىلىم بەرۋ باعدارلامالارى مەن ولاردىڭ كومپونەنتتەرى بەكىتىلگەن كاسىبي ستاندارتتارعا سايكەس سيپاتتالعان. وقىتۋدىڭ ناتيجەلەرىن ەسكەرە وتىرىپ، جۇمىس بەرۋشىلەر ولاردى دامىتۋعا بەلسەندى قاتىسادى، ءبىلىم بەرۋ باعدارلامالارىنىڭ ءتىزىلىمى جاسالعان.
ستۋدەنتتەردىڭ اكادەميالىق ۇتقىرلىعى باعدارلاماسى كۇشەيە ءتۇستى. 2011 -جىلدان باستاپ باعدارلاماعا قاتىساتىن ماگيسترانتتاردىڭ سانى 2020 -جىلدىڭ ءبىرىنشى جارتىجىلدىعىندا ءتورت ەسە ءوسىپ، 1373 ادامعا جەتتى. شەتەلدىك ۋنيۆەرسيتەتتەرمەن قوس ديپلومدى بىرلەسكەن باعدارلامالار بەلسەندى تۇردە ەنگىزىلە باستادى، بۇل حالىقارالىق ستاندارتتاردى ەنگىزۋ ارقىلى قازاقستاندىق ءبىلىم ساپاسىن ارتتىرعانى ءسوزسىز. اعىلشىن تىلىندەگى باعدارلامالار سانى كوبەيدى، شەتەلدىك ستۋدەنتتەر سانى ارتىپ كەلەدى»، - دەيدى ول.
ونىڭ ايتۋىنشا، وتكەن وقۋ جىلىندا قازاقستاننىڭ جوعارى وقۋ ورىندارىندا 40 مىڭ شەتەلدىك ستۋدەنت وقىدى، بۇل 2017 -جىلمەن سالىستىرعاندا ەكى ەسە كوپ. شەتەل تىلىندە سويلەيتىن ستۋدەنتتەر سانى ارتتى.
«بولون پروتسەسىنە قاتىسۋ ۇلتتىق ءبىلىم بەرۋ ساپاسىن ەۋروپالىق ستاندارتتارعا سايكەستەندىرۋگە مۇمكىندىك بەردى. سىرتقى ساپا كەپىلدىگى جۇيەسى اككرەديتتەۋ مەحانيزمى ارقىلى جۇزەگە اسىرىلادى. قازىرگى كەزدە ۋنيۆەرسيتەتتەر مەن ءبىلىم بەرۋ باعدارلامالارىن تاۋەلسىز اككرەديتتەۋدى 11 اككرەديتتەۋ ورگانى جۇزەگە اسىرادى، ونىڭ 6-ۋى قازاقستاندىق جانە 5-ەۋى شەتەلدىك اگەنتتىك»، - دەيدى ۆيتسە- مينيستر.