گولوۆكين قازاقستانداعى ەڭ بەدەلدى ەركەكتەر تىزىمىندە ەكىنشى ورىنعا جايعاستى
قازىرگى ۋاقىتتا بەدەلدى تۇلعا دەپ قوعامدىق پىكىردى قالىپتاستىرىپ، ەلدەگى وزەكتى دەگەن ماسەلەگە نازار اۋدارىپ، ول تۋرالى ايتاتىن تۇلعالاردى ايتۋعا بولادى.
وسى ورايدا Hommes پورتالى ەلىمىزدەگى عالامتورداعى ەڭ بەدەلدى تۇلعالاردىڭ ءتىزىمىن جاساپتى. بۇل رەيتينگتى جاساۋ ءۇشىن پورتال ءوز تەلەگراممىنداعى 16000 مىڭ وقىرمانىنان ساۋالناما العان.
ەرلەر اراسىنداعى ەڭ بەدەلدى دەگەن ءتىزىمنىڭ كوشىن قازاقستاننىڭ پرەزيدەنتى باستاپ تۇر. ەكىنشى ساتىعا ورتا سالماقتا ونەر كورسەتەتىن كاسىپقوي بوكسشى گەننادي گولوۆكين جايعاسقان.
ودان كەيىن ۆاديم بورەيكو، ديماش قۇدايبەرگەن، مارعۇلان سەيسەمبايەۆ، ايدىن راحىمبايەۆ، سكريپتونيت، بەيبىت الىبەكوۆ، دوسىم ساتپايەۆ، نۇرتاس ادامباي، قايرات قۇدايبەرگەن، الىشەر ەلىكبايەۆ، دجوحار وتەبەكوۆ، نۇرلان سابۋروۆ جانە ايسۇلتان سەيىكتوۆ ورنالاسقان.
ايتا كەتەيىك، گولوۆكين (40-1-1، 35 ك و) 2019-جىلدىڭ قازان ايىنان بەرى شارشى الاڭعا شىققان جوق. سوڭعى رەت ول ۋكراينالىق سەرگەي دەريەۆيانچەنكومەن كەزدەسىپ، جەڭىسكە جەتكەن بولاتىن.