«641 رۇقسات ءبىرىنشى سانات بويىنشا (باسشىلار جانە ولاردىڭ ورىنباسارلارى)، 3449 ى ەكىنشى سانات بويىنشا (قۇرىلىمدىق بولىمشەلەردىڭ باسشىلارى) بەرىلدى. شەتەل جۇمىس كۇشىن تارتۋعا بەرىلگەن رۇقساتتاردىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتار بويىنشا بەرىلدى - تيىسىنشە 7461 جانە 1125 ادام. سونداي-اق ماۋسىمدىق جۇمىستارعا - 1735 ادام، كورپوراتيۆتىك اۋىستىرۋ اياسىندا 1694 ادام تارتىلدى»، - دەلىنگەن ق ر ەڭبەك جانە حالىقتى الەۋمەتتىك قورعاۋ مينيسترلىگى باسپا ءسوز قىزمەتىنىڭ مالىمەتىندە.
قازىرگى ۋاقىتتا قازاقستاندا شەتەلدىك جۇمىس كۇشىن پايدالاناتىن 1785 جۇمىس بەرۋشى بار. ولاردا 455816 مىڭعا جۋىق قازاقستان ازاماتى جۇمىس ىستەيدى، بۇل جالپى جۇمىسشىلار سانىنىڭ 96 پايىزىن قۇرايدى. ەڭبەك ميگرانتتارى شىعاتىن نەگىزگى ەلدەر: ۋكراينا - 3511 ادام، تايلاند - 1723، تۇركيا - 1669، وزبەكستان - 1186، سەربيا - 1065.
ەسكە سالا كەتەيىك، ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا كۆوتا بەلگىلەيدى. 2020-جىلعا ولاردى تارتۋعا كۆوتا رەسپۋبليكانىڭ ەكونوميكالىق بەلسەندى تۇرعىندارىنىڭ %0,32 مولشەرىندە (شامامەن 29,3 مىڭ ادام) بەلگىلەندى.